Azərbaycan hakimiyyəti Avropa və Amerika gənc liderlər konfransını pozub

Berlində yerləşən “Qlobal körpü” Atlantik Şurası və Azərbaycan prezidenti yanında Strateji Araşdırmalar Mərkəzi tərəfindən təşkil edilmiş, aprelin 17-20-də Bakıda keçirilməsi planlaşdırılan Avropa və Amerika gənc liderlər konfransı təxirə salınıb.

Tədbirin pozulmasına səbəb Atlantik Şura tərəfindən dəvət edilənlər siyahısına müstəqil mövqeyi və müxalif baxışları ilə məşhur olan vətəndaş cəmiyyəti nümayəndələrinin olmasına Azərbaycan tərəfin narazılığı olub. Bu barədə Turan-a Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli bildirib.

Onun sözlərinə görə, konfrans ötən ilin payızından etibarən hazırlanırdı, tədbirdə Cənubi Qafqazda insan hüquqları, demokratiya və təhlükəsizlik məsələlərinin müzakirəsi nəzərdə tutulurdu. 

“Təxminən 3 həftə əvvəl Berlindən məktub aldım ki, Azərbaycan tərəfi mənim konfransda iştirakıma etiraz edir. Bu, mənim üçün problem deyildi, güman edirdim ki, vətəndaş cəmiyyəti nümayəndələrindən başqa biri aktual demokratiya və insan hüquqları məsələlərinini qaldıracaq. Lakin bir həftə sonra daha bir məktub aldım, məktubda deyilirdi ki, konfrans ümumiyyətlə ləğv olunub, belə ki, Azərbaycan hakimiyyəti iştirakçılar arasında tənqidi əhval-ruhiyyəli vətəndaş cəmiyyəti fəallarını görmək istəmir”, deyə Məmmədli bildirib.

Onun sözlərinə görə, konfransa bloger Emin Milli də dəvət edilmişdi. “Digər dəvət edilənlər haqqında məlumatım yoxdur”, deyə Məmmədli qeyd edib.

“Qlobal körpü” Atlantik Şurası 200-ə yaxın Amerika və Avropa gənc liderlərinin iştirakı ilə belə konfransları 2001-ci ildən etibarən keçirir. Bundan əvvəl Almaniyada, İtaliyada, Türkiyədə, Kiprdə, Sloveniyada, Kosovoda və ötən il Gürcüstanda belə konfrans keçirilib.

Bakıda konfransın ləğv edildiyi üçün tədbir Antalyada keçiriləcək.

Öz növbəsində, Strateji Araşdırmalar Mərkəzində konfransın ləğv edildiyini təsdiq etsələr də, səbəbləri açıqlamayıblar. -06B-

 

Rəy yaz

Siyasət

Xankəndidə rus konsulluğu, Paşinyanın yerinə arxiyepiskopun namizədliyi, sülh çağırışları...- İlham İsmayıl Çətin sualda



Bizi sosial şəbəkələrdə izləyin

Xəbər lenti