Azərbaycan hökuməti AXCP fəallarının hüquqlarının pozulduğunu etiraf edib
Avropa İnsan Hüquqları Məhkəməsi (AİHM) bu gün "Əhmədov və digərləri Azərbaycana qarşı" işi üzrə qərarını elan edib. Şikayət Azərbaycan Xalq Cəbhəsi Partiyasının fəalları Niyaməddin Əhmədov, Faiq Əmirov, Elnur Yusubov və Elnur Həsənovun inzibati həbsi zamanı yol verilən qanunsuzluqlara və onların toplaşmaq azadlığının məhdudlaşdırılmasına aid idi.
Hökumət Avropa İnsan Hüquqları və Azadlıqları Konvensiyasının 5-ci (azadlıq və şəxsi toxunulmazlıq hüququ) maddəsinin pozulduğunu etiraf edib.
Strasburq Məhkəməsinin qərarına əsasən, hakimiyyət Əhmədov və Əmirovun hər birinə 1125 avro, Yusubov və Həsənovun hər birinə 2025 avro ödəməlidir.
Qeyd edək ki, Əhmədov və Həsənov hazırda başqa işlər üzrə həbsdədir.
"İbrahimov və digərləri Azərbaycana qarşı" işində tərəflər dostca anlaşıblar.
Anlaşmaya əsasən, hökumət ərizəçilər Cavid İbrahimov, Süleyman Məhərrəmov, Nicat Abdullayev, Bəxtiyar Yusubov və Baba Süleymanovun hər birinə 2850 avro ödəməlidir.
Onlar da əsasız inzibati həbsdən və toplaşmaq azadlıqlarının məhdudlaşdırılmasından şikayət etmişdilər.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz