![Azərbaycan hökumətini Avropa məhkəməsindən külli miqdarda cərimə gözləyir](https://turan.az/resized/750/500/resize/media/2016/main/120900177391.jpg)
Azərbaycan hökumətini Avropa məhkəməsindən külli miqdarda cərimə gözləyir
Avropa İnsan Hüquqları Məhkəməsi (AİHM) mülkiyyət hüququnun pozulması ilə bağlı Azərbaycandan bu quruma göndərilən 32 şikayət üzrə kommunikasiyalara başlayıb. Bu barədə Turan-a hüquqşünas İntiqam Əliyev məlumat verib.
Avropa məhkəməsi hökumətə həmin şikayətlər üzrə mülahizələrini təqdim etmək üçün 2017-ci ilin martın 21-nə qədər vaxt verib.
Bu işlərdə şikayətçi qismində 52 nəfər Azərbaycan vətəndaşı çıxış edir.
Bunlar “Qış bulvarı”nın salınması ilə əlaqədar paytaxtın Səməd Vurğun, Şəmsi Bədəlbəyli, Mirzağa Əliyev, Dilarə Əliyeva, Rəsul Rza, Şamil Əzizbəyov, Süleyman Rəhimov, İslam Səfərli, Təbriz Xəlil Rza oğlu, Mirzə İbrahimov küçələrində yerləşən mənzillərindən köçürülən sakinlərdir.
Ərizəçilərin arasında keçmiş millət vəkili Hacıbaba Əzimov, jurnalist Əlirza Mixtaroğlu, Müsavat Partiyasının fəalı Başxanım Abbasova və digərləri var.
2011-ci ildən başlayaraq Bakı Şəhər İcra Hakimiyyətinin məmurları və polis vətəndaşlara
təzyiq edərək mənzillərin hər kvadrat metrinə 1500 AZN ödənilməklə evlərindən çıxmağa məcbur ediblər.
Bəzi işlərdə mənzillərin sökülməsini cavabdehə qadağan edən məhkəmə qərardadının olmasına baxmayaraq, bu şərtlərlə razılaşmayan və mənzillərini tərk etməkdən imtina edən mülkiyyətçilərə qarşı zorakılıq tətbiq olunmaqla onların evləri sökülüb.
Lakin yerli məhkəmələr vətəndaşların bütün iddialarını rədd ediblər.
Şikayətlərdə İnsan hüquqlarının və əsas azadlıqların müdafiəsi haqqında Konvensiyanın 1 saylı protokolunun 1-ci maddəsi (mülkiyyət hüququ) ilə yanaşı, həmçinin 6 (ədalətli məhkəmə araşdırması hüququ), 8 (şəxsi həyat hüququ), 13 (səmərəli araşdırma hüququ) və digər maddələrin pozuntusu qaldırılıb.
İ. Əliyevin apardığı işlərdə isə onun həbsi zamanı hüquqşünasın evindən və ofisindən cinayət işi ilə bağlılığı olmayan məhkəmə sənədlərinin götürülməsi şikayətçilərin fərdi şikayət hüququnu həyata keçirmələrinə əsassız mane kimi qaldırılır.
Avropa məhkəməsində şikayətçilərin hüquqlarını həmçinin Fuad Ağayev, Xalid Bağırov, Şəfa Camalzadə, Sevinc Əliyeva, Samirə Ağayeva və digər hüquqşünaslar təmsil edirlər.
Avropa məhkəməsinin bu işlər üzrə hökumətə külli miqdarda cərimə kəsəcəyi gözlənilir.06B--
-
- İqtisadiyyat
- 9 Dekabr 2016 17:48
-
- İqtisadiyyat
- 9 Dekabr 2016 22:20
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz