![Azərbaycan dərin borc quyusuna düşüb - ekspert](https://turan.az/resized/750/500/resize/media/2016/main/120900177395.jpg)
Azərbaycan dərin borc quyusuna düşüb - ekspert
Mərkəzi Bankın xarici valyuta öhdəliklərinə bağlı investisiya layihələri və xarici borcların qaytarılması üçün valyuta bazarından kənarda vəsait axtarmasının səbəbi odur ki, qarşıdakı iki ildə hökumətin özünün və dövlət sektoruna aid şirkətlərin kifayət qədər böyük həcmdə valyutaya ehtiyac var, deyə iqtisadçı Rövşən Ağayev hesab edir.
«2016-cı ildə büdcədən dövlət borclarının qaytarılması üçün nəzərdə tutulan vəsaitin 85%-i xarici borc ödənişləri ilə bağlı idi, amma 2017-ci ildə büdcənin borca xidmət xərclərindən 96%-i xarici borcların qaytarılması ilə bağlıdır. 2017-ci ildə dövlət büdcəsindən xarici borcların qaytarılmasına təxminən 1 mlrd USD ayrılmalıdır. Bu, ölkənin səhiyyə büdcəsindən 2.1 dəfə çoxdur”. Ekspertin fikrincə, dünyada öz büdcəsinin təxminən 10%-ni borcun qaytarılmasına xərcləyən ölkələr azdır.
Dövlət investisiyalarının əsas istiqamətlərindən biri Transanadolu boru kəməridir (TANAP). 2017-ci ildə dövlət büdcəsi və Neft Fondu vasitəsilə bu layihəyə təxminən 600 mln USD ayrılacaq. Ekspertin hesablamasına görə, tikintinin başa çatması üçün 2017-2018-ci illərdə 2-2.5 mlrd USD valyuta vəsaiti tapılmasına ehtiyac var.
Rövşən Ağayev iri xarici korporativ borc kimi SOCAR-ın 2017-ci ildə 600 mln USD-yə yaxın öhdəliyini göstərir. Bankların və qeyri-maliyyə şirkətlərinin dövlət zəamnəti ilə alınmayan, amma 2017-ci ildə qaytarılmalı olan borcları var. Bu öhdəlikləri nəzərə alanda, qarşıdakı dövr üçün Mərkəzi Bankın narahatlığını anlamaq olar, deyə iqtisadçı bildirir.
«Heyf ki, AMB ölkənin beyblxalq investisiya mövqeyinə dair məlumatları açıqlamır. Ona görə ölkənin xarici aktivləri və öhdəliklərinin nisbətini aydın görmək, yaxın dövrü daha rahatlıqla proqnozlaşdırmaq mümkün deyil. Belə görünür, bu məlumatı açıqlamaq öhdəliyi olan Mərkəzi Bank durumu "qara qutu"da idarə etməkdə maraqlıdır”, deyə Rövşən Ağayev kinayə ilə bildidir. 08D
-
- Siyasət
- 9 Dekabr 2016 18:16
-
- İqtisadiyyat
- 9 Dekabr 2016 22:23
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz