Azərbaycan İlham Əliyevin Vaşinqtona növbəti səfəri üçün Podesta Group-a pul ödəyib

Prezident İlham Əliyevin bu yaxınlarda Vaşinqtona səfəri zamanı dövlət katibi və ABŞ-ın digər liderləri Azərbaycanda hüquq və azadlıqların boğulması faktlarını, əsasən “Azadlıq” radiostansiyasının bağlanmasını açıq tənqid  etməyiblər. 

Bu arada Bakı maksimum əlverişli atmosferi təmin etmək məqsədilə lobbi qruplarından istifadə edib. Belə ki, iki müxtəlif mənbə Turan-ın müxbirinə bildiriblər ki, lobbiçilər Kerri və Əliyevin görüşünün təşkilindən ötrü çox səy göstəriblər.

İ.Əliyevin səfəri nüvə təhlükəsizliyi sammitində iştirakla bağlı olsa da Azərbaycan səfirliyi və Amerikanın aparıcı Podesta Group şirkəti arasındakı sövdələşmə buna kömək edib.

Xəbər verildiyi kimi, bu lobbi qrupu Azərbaycan hakimiyyətinin Vaşinqtonda bəzi nüfuzlu şəxslərə çıxışına zəmanət verir. Həmin xidmətlərin qiyməti ayda   $50 000-dir.

İ.Əliyevin Vaşinqtona səfərindən sonra Azərbaycan səfirliyi “əlavə xidmət”ə görə Podesta Group ilə $70 000 həcmində yeni müqavilə imzalamağa tələsib.

Dövlət Departamentinin materiallarına görə, lobbiçilər 6 aprel 2016-cı ildən 2016-cı il iyulun sonunadək əlavə xidmətləri yerinə yetirməlidir.

Podesta nümayəndələri şərh verməkdən imtina ediblər.

Podesta  Group-un rəhbərləri Toni və Con Podestadır. T.Podesta Hillari Klintonun prezident kampaniyasının iştirakçısı, C.Podesta isə  prezident Barak Obamanın keçmiş müşaviri, Hillari Klintonun seçki kampaniyasının rəhbəridir.-25В-