“Azərbaycan istənilən ssenariyə hazır olmalıdır” - İlham Əliyev

Bakı/21.07.23/Turan: Beynəlxalq hüquq normalarının kobud şəkildə pozulduğu və onların seçmə şəkildə tətbiq edildiyi müasir şəraitdə Azərbaycan istənilən ssenarilərə hazır olmalı və bundan sonra silahlı qüvvələrini gücləndirməlidir.

Bu barədə Azərbaycan Prezidenti İlham Əliyev “4-cü Sənaye İnqilabı dövründə Yeni Media” mövzusunda Şuşa Qlobal Media Forumunda çıxışında bildirib. 

Biz hər hansı bir ssenariyə hazır olmalıyıq. Bu məqsədlə möhtəşəm Zəfərimizi nümayiş etdirən Qarabağ müharibəsi bitən kimi biz dərhal yenidən müdafiə sahəsində dərin islahatlar həyata keçirməyə başlamışıq, - deyə Əliyev bildirib.

O, xüsusi vurğulayıb ki, “bu gün Azərbaycan ordusunun üç il əvvəlkindən də güclüdür”. 

«Əlbəttə ki, buna ehtiyac var, o da bizim tariximizdən qaynaqlanır. Biz görürük ki, bu gün beynəlxalq hüququn normaları kobud şəkildə pozulur. Biz görürük ki, beynəlxalq hüquq selektiv tətbiq edilir, biz uzun illər bu yanaşmaya məruz qalmışıq”, - deyə Əliyev qeyd edib.

Eyni zamanda, o xatırladıb ki, BMT Təhlükəsizlik Şurasının Ermənistan-Azərbaycan münaqişəsi ilə bağlı qəbul etdiyi qətnamələr 30 ilə yaxındır ki, icra olunmur.

“Beynəlxalq hüquq işləmədikdə, imza o qədər də vacib olmayanda sülhün təminatı yalnız gücdür”, - Əliyev bildirib.

Eyni zamanda o, diqqətə çatdırıb ki, “İkinci Qarabağ müharibəsinin nəticələrinə baxmayaraq, bu gün Ermənistanda, onun cəmiyyətində, hətta hakimiyyətdə hələ də revanşist ideyalarla yaşayan müəyyən adamlar var”. 06B