Azərbaycan Milli Elmlər Akademiyasında mənimsəmə faktı üzrə cinayət işi qaldırılıb
Azərbaycan Milli Elmlər Akademiyasında mənimsəmə faktı üzrə cinayət işi qaldırılıb
Azərbaycan Milli Elmlər Akademiyasında baş vermiş qanun pozuntusu faktları ilə bağlı cinayət işi başlanıb.
Azərbaycan Baş Prokurorluğunun məlumatında deyilir ki, Azərbaycan Hesablama Palatasından daxil olmuş material əsasında Milli Elmlər Akademiyasının fəaliyyətində aşkar edilmiş qanun pozuntuları ilə bağlı aparılmış araşdırma üzrə Baş prokuror yanında Korrupsiyaya qarşı Mübarizə Baş İdarəsində cinayət işi başlanıb.
"Sözügedən qurumun 2020-2023-cü illərə dair fəaliyyəti üzrə təyin edilmiş audit yoxlamaları nəticəsində vəzifəli şəxslər tərəfindən külli miqdarda dövlət vəsaitinin təyinatı üzrə istifadə edilməməsi, habelə digər qanun pozuntularının törədilməsinə əsaslı şübhələr müəyyən edilib. Qeyd edilən faktlarla bağlı aparılmış araşdırma üzrə Cinayət Məcəlləsinin 179.4 (xüsusilə külli miqdarda mənimsəmə və ya israf etmə) və 308.2-ci (vəzifə səlahiyyətlərindən sui-istifadə etmə) maddələri ilə cinayət işi başlanaraq ibtidai istintaq aparılır", deyə Baş Prokuroluğun Mətbuat xidmətinin məlumatında bildirilir.
Qeyd edilən dövrdə, 23 oktyabr 2019-cu ildən 19 fevral 2022-ci ilədək AMEA-nin Prezidenti Ramiz Mehdiyev olub. Ramiz Mehdiyev bundan öncə, 7 fevral 1995-ci ildən 23 oktyabr 2019-cu ilədək Azərbaycan Respublikası Prezident Administrasiyasının rəhbəri olub. O, hakimiyyətin əsas siyasai strateqlərindən biri kimi tanınıb.
Rəy yaz
-
- İqtisadiyyat
- 21 Oktyabr 2024 15:22
-
- Maliyyə
- 21 Oktyabr 2024 15:40
Siyasət
-
Gürcüstan müxalifətinin dünən Tbilisidə Azadlıq meydanında keçirilən mitinqində azərbaycanlı fəal Samirə Bayramova etnik Gürcüstan azərbaycanlılarını parlament seçkilərində Avrointeqrasiyanın tərəfdarı olan müxalifətə səs verməyə çağırıb.
-
Azərbaycan Xalq Cəbhəsi Partiyasının (AXCP) Suraxanı rayon şöbəsinin fəalı Tehran Abdullayev Daxili İşlər Nazirliyinin İnzibati Həbs Olunanların Saxlanma Məntəqəsində saxlanılır. Bu barədə vəkil Nemət Kərimli oktyabrın 21-də onunla görüşdükdən sonra bildirib.
-
İlham Əliyev Sultan Qasımovun Rusiya Federasiyasının Sankt-Peterburq şəhərində Azərbaycan Respublikasının baş konsulu vəzifəsindən geri çağırılması haqqında sərəncam imzalayıb. Sənədin mətni dövlət başçısının saytında dərc edilib.
-
Əslən azərbaycanlı olan yeddi İsrail vətəndaşı İranın xeyrinə casusluqda ittiham olunur. Bu barədə oktyabrın 21-də ŞABAK - İsrailin əks-kəşfiyyat idarəsi məlumat yayıb. Casusların cinayətkar fəaliyyəti iki ilə yaxın davam edib. Bu müddət ərzində pul müqabilində 600 tapşırıq yerinə yetirilib. Şübhəli şəxslər hərbi bazaların, o cümlədən oktyabrın 1-dəki hücum zamanı zərbə endirilən bazaların şəkillərini çəkiblər.
1 rəy
Müslüm Əliyev
2024-10-21
Сняли с работы, конфисковали здание Baku Oxford School, открыли уголовное дело за хищения в храме науке. Вряд ли это случайные совпадения. Видимо как в песенке из Бриллиантовой руки "что они ни делают, не идут дела!" Мешают те кто вообразил себя академиком.