Azərbaycan MSŞT-dən çıxdığını bəyan edib

Mədən Sənayesində Şəffaflıq Təşkilatının (MSŞT) Azərbaycanın üzvlüyünün dayandırılması barədə qərarından sonra hökumət nümayəndə heyətinin rəhbəri ölkənin MSŞT-nin çıxması barədə bəyanat verib.

Azərbaycan İdarə Heyətinin irəli sürdüyü islahedici tədbirlər planının icrasına nail olub, odur ki, ölkənin üzvlüyünün dayandırılması “ədalətsizdir”, bəyanatda deyilir.

Ş.Mövsümov qeyd edib ki, Azərbaycan bundan sonra da hasilat sənayesindən əldə etdiyi gəlirlərlə bağlı bütün məlumatları dərc etməyə davam edəcək. 

“Mən çox böyük təəssüf hissi ilə Azərbaycanın MSŞT-ni rəsmi şəkildə tərk etdiyini bəyan edirəm. Dərhal qüvvəyə minməklə MSŞT üzrə Beynəlxalq Katiblikdən Azərbaycanın adını MSŞT tətbiq edən ölkələr siyahısından çıxarmağı xahiş edirəm”, - Ş.Mövsümov bildirib.

Mədən sənayesində şəffaflığın artırılması üzrə Azərbaycan QHT Koalisiyasının üzvü Sabit Bağırov baş verənləri Turan şərh edərkən deyib ki, MSŞT Azərbaycan qanunvericiliyinə donorların fəaliyyəti və qrantların verilməsi üçün azad şəraiti təmin edən dəyişikliklərə təkid edib.

Hökumət qrantların və donorların qeydiyyatı sistemini Nazirlər Kabinetinin aktları ilə sadələşdirlib. Ancaq MSŞT bu tədbirləri yetərli saymayıb.

Hökumətin iki variantı olub: ya MSŞT-nin tövsiyələrini yerinə yetirməlidir, ya da həmin tövsiyələrin MSŞT prinsip və standartlarlına uyğun olmadığını sübut etməlidir.

MSŞT-də üzvlüyün dayandırılmasının Azərbaycan üçün nəticələri barədə sualın cavabında S.Bağırov deyib ki, bu qərar ölkənin imicinə zərbə vuracaq, qeyri-investisiya və kredit reytinqinə mənfi təsit göstərəcək.

“Əlbəttə, Azərbaycana beynəlxalq kreditlərin verilməsi dayandırılmayacaq, ancaq kredit şərtləri sərtləşdiriləcək”, - o qeyd edib.

Öz növbəsində REAL Hərəkatının icra katibi Natiq Cəfərli MSŞT-nin qərarını son beş ildə hakimiyyətin “vətəndaş cəmiyyəti üçün meydanın daralması” siyasətinin nəticəsi adlandırıb. Bu qərar Azərbaycan iqtisadiyyatına mənfi təsir göstərəcək, ölkənin kredit və investisiya reytinqlərini aşağı salacaq. –06D-