Azərbaycan Müdafiə Nazirliyi: Ermənilər mülki təyyarələrin naviqasiya sistemlərinə radiomaneələr yaratmağa davam edirlər

Bakı/28.07.23/Turan:  Azərbaycan Müdafiə Nazirliyi son günlərdə Azərbaycanın hava məkanından istifadə etməklə uçuşlar yerinə yetirən yerli və xarici aviaşirkətlərin sərnişin təyyarələrinin GPS peyk naviqasiya sistemlərinə qarşı Rusiya sülhməramlı kontingentinin müvəqqəti yerləşdirildiyi ərazilərdəki qeyri-qanuni erməni silahlı dəstələri tərəfindən radiomaneələrin tətbiqi intensivləşib.

Belə ki, iyulun 24-də Bakı-Füzuli marşrutu üzrə uçuş yerinə yetirən Azərbaycan Hava Yollarının ATR-45 tipli sərnişin təyyarəsinə saat 10:49-dan 11:16-dək, iyulun 25-də Budapeşt-Bakı marşrutu üzrə uçuş yerinə yetirən Çexiya Hava Yollarının C-680 tipli sərnişin təyyarəsinə saat 14:48-dən 15:25-dək və iyulun 27-i Bakı-Qəbələ və əks istiqamətdə uçuş yerinə yetirən Azərbaycan Hava Yollarının ATR-45 tipli sərnişin təyyarəsinə saat 14:08-dən 14:30-dək və saat 15:04-dən 15:26-dək radiomaneələrin tətbiqi nəticəsində GPS peyk naviqasiya sistemlərində fasilə yaranıb

“Bu faktlar və əvvəllər baş vermiş eyni hadisələr barədə Rusiya sülhməramlı kontingentinin komandanlığı məlumatlandırılıb. İndiyədək Rusiya sülhməramlı kontingenti bizim ölkənin hava məkanından keçən uçuşların təhlükəsizliyinə ciddi təhdid yaradan bu təxribatlara qarşı heç bir tədbir görülməyib”, - Azərbaycan Müdafiə Nazirliyinin məlumatında deyilir. 06В