"Yeni Müsavat" qəzeti Professor Qubad İbadoğluya qarşı FETO ittihamı ilə necə manipulyasıya edir?

Son günlər "Yeni Müsavat" qəzetində bir neçə gün əvvəl saxta pul kəsmə ittihamla həbs edilmiş professor Qubad İbadoğluya qarşı FETO ittihamının intensiv hazırlıq işlərinə başlanıb. Son həftə ərzində qəzet bu istiqamətdə bir neçə yazı dərc edib. İyul ayının 25-də "Yeni müsavat" qəzeti "Qubad İbadoğlunun həbsi ilə bağlı ŞOK AÇIQLAMA: “Türkiyənin araşdırmaları onu göstərir ki...” adlı məlumatda Qubad bəyin şəkilini Fətulla Gülənlə birlikdə dərc edib. Eyni fotomantajla qəzet iyulun 26-da "FETÖ ilə əlaqələri olduğu bildirilən "Qubad İbadoğluyla bağlı ŞOK FAKT" adlı ayrı bir yazı dərc edib. İyulun 27-də isə qəzet daha irəli gedərək Qafar Səfərlinin "Qubad İbadoğlunun həbsi: Qərb niyə xüsusi canfəşanlıq edir?- ŞOK FAKTLAR" adlı geniş təlil yazısını dərc edib. Hər üç yazının manşetində Fətulla Gülənlə Qubad İbadoğlunun fotoları montaj edilərək vahid süjetdə birləşdirilib, foto dili ilə desək "əlbir olduğu" təqdim edilir.

Son yazıda - yəni Qafqar "təhlilçinin" yazısında maraqlı manipulyasiya cəhdləri var. Məsələn: Qafar Səfərlinin yazısında göstərlir ki, Qubad bəy 2015-2016-cı illərdə Şimali Karolinada Dyuk Universitetində işləyib. Sən demə Şimali Karaolinada Charlotte Universitetində işləyən professer Universitetin məzunu olmuş keçmiş tələbəsini 2016-cı ilin iyul hadisəsəindən sonra təqib edilməsi əleyhinə Birləşmiş Ştatların 50 professoru ilə birlikdə imza atıbmış. Hər ikisi Şimali Karolinada yerləşsə də Duke Universiteti ayrı universitetdir, Charlotte Universiteti ayrı universitetdir. Bunu Qubad bəyə necə aid etmək olar?

İkinci Amerika professorlarının məktubu 22 iyul 2019-cu ildə "The Chronicle of Higher Education" saytında dərc ediləndə Qubad bəy 3 il idi Duke Universitetini tərk etmişdi. Üçüncüsü isə bu məktubda ümumiyyətlə söhbət FETO-çuluqdan getmir, 50 professorun Amerikada təhsil almış, onların universitetlərindən məzun olmuş keçmiş tələbələrini müdafiə etməsindən gedir. Məktub bu adla dərc edilib: Open Letter in Support of Turkish National Police Leaders Who Studied in United States. Qubad bəyin 2018-2021-ci illərdə çalışdığı Ratqers Universitetinin professorları Kolin Çin və Ron Klarkın adları da Səfərli Qafarın "təhlil yazısında" çəkilir. Nyu Cersi ştatında yerləşən Ratgers Universiteti Amerikanın ən böyük universitetlərindən biridir. Orada 11 mindən artıq elmlər doktoru, professer, administrativ işçilər çalışır. Bəyəm onlardan kimlərinsə hansı sənədə imza atmasının məsuliyyətini Qubad İbadoğu daşımalıdır?

Bir o qalır ki, "Yeni Müsavat" Qubad bəyi hansısa FETO-cu ilə eyni təyyarədə uçmaqda, eyni avtobusun sərnişini olmaqda ittiham etsin. Yəqin bunlar da olacaq. Yəni saxta pul kəsmək ittihamı suya düşsə, qəzet Qubad bəyə qarşı yeni FETO ittihamının "alt yapısını" hazırlayır.

P.S. Yeri gəlmişkən son günlər belə cəfəng iddialar "Report" saytında da tirajlanır. Milli Məclisdəki çıxışında "denasifikasiya" sözünün mənasını bilməyən siyasi elmlər üzrə "professor", deputat Hikmət Babaoğlu da "Report"da çıxış edib. Bu yazılarda əsas məqsəd heç FETO da deyil, Qərbi hədəfə almaqdır.