Elxan Nuriyev
Azərbaycan Polşadan Qubadlının keçmiş icra başçısının ekstradisiyasını istəyir
Bakı/05.10.22/Turan: 1992-93-cü illərdə prezident Əbülfəz Elçibəyin hakimiyyəti dövründə Qubadlı Rayon İcra hakimiyyətinin başçısı postunu tutmuş Elxan Nuriyev Polşada saxlanılıb.
Sosial şəbəkələrdə yayılan məlumata görə, Nuriyev Azərbaycanda qəsdən adam öldürmə və vəzifə səlahiyyətlərini aşmaqda ittiham olunur. O, beynəlxalq axtarışa verilib.
90-cı illərdə Nuriyev Ukraynaya köçüb və orada vətəndaşlıq alıb. Bəzi məlumatlara görə, Ali Radanın Hüquq komitəsinin əməkdaşı, Ukrayna Zabitlər Birliyi Nəzarət-Təftiş Komissiyasının sədri olub.
1992-ci ilin sentyabrından 1993-cü il avqustun 22-dək Qubadlı rayonunun başçısı vəzifəsində çalışıb. Həmin ilin sentyabrında Azərbaycanı tərk edib.
1993-cü ildə ona qarşı vəzifə səlahiyyətlərindən sui-istifadə maddəsilə cinayət işi başlanıb.
Qətl ittihamının “Qaranquş” qrupunun işilə bağlı irəli sürüldüyü ehtimal olunur.
1993-cü il avqustun 31-də “Qaranquş” kəşfiyyat qrupunun üzvləri Qubadlı rayonunun ermənilər tərəfindən işğalı zamanı prokuroru, prokurorluğun müstəntiqini, rayon polis rəisini və onun sürücüsünü, məhkəmə hakimini və polis əməkdaşını qətlə yetiriblər.
1995-ci ildə “Qaranquş” dəstəsinin 9 üzvü ölüm cəzasına məhkum edilib, lakin ölüm hökmünün ləğvilə əlaqədar ölüm cəzası ömürlük həbslə əvəz edilib.
Məhkəmə prosesi zamanı müttəhimlər bildiriblər ki, qətllər ona görə törədilib ki, məmurlar rayonun müdafiəsini təşkil etmək əvəzinə qaçmağa cəhd ediblər.
Baş Prokurorluğun mətbuat xidmətindən Turan-a bildiriblər hələ 1993-cü ildə Nuriyevə qarşı Cinayət Məcəlləsinin 120.2.10 (təkrar qəsdən adam öldürmə), 29 (cinayət etməyə cəhd), 120.2.11 (banditizmlə əlaqədar adam öldürməyə cəhd), 309.2 (vəzifə səlahiyyətlərini aşma, ağır nəticələrə səbəb olduqda) maddələrilə cinayət işi açılıb. Nuriyev təqsirləndirilən şəxs qismində cəlb edilib və barəsində axtarış elan edilib.
Oktyabrın 2-də Nuriyev Polşada saxlanılıb. Azərbaycanın Baş Prokurorluğu onun ekstradisiyası üçün Polşanın müvafiq orqanlarına sorğu göndərib. 03B06
-
- Siyasət
- 5 Oktyabr 2022 15:55
Siyasət
-
Mayın 6-da ABŞ-ın Azərbaycandakı səfiri Mark Libbi həyat yoldaşı ilə birlikdə Şuşa şəhərinə gəlib.
-
Mayın 6-da Bakı Apellyasiya Məhkəməsində Sabit Bəhramzadənin sədrliyi ilə Seçkilərin Monitorinqi və Demokratiyanın Tədrisi (SMDT) Mərkəzinin rəhbəri Anar Məmmədlinin həbsindən verilmiş apellyasiya şikayətinə baxılıb.
-
Milli Şuranın Koordinasiya Mərkəzinin üzvü Vidadi Mirkamal ailəsinə qarşı təzyiqlərin olduğunu bildirir.
-
İctimai fəal Famil Xəlilov həbs olunub.
Beynəlxalq Mətbuat Azadlığı günü: Azərbaycanda azad media varmı? – Xalid Ağəliyev Çətin sualda
Xəbər lenti
-
- Siyasət,
- 13:04
- 185
Rəy yaz