Azərbaycan prezidenti Yeni il müraciətini tarixə həsr etdi

 Azərbaycan prezidenti İlham Əliyev Yeni il müraciətində 2013-cü ili ölkənin dinamik inkişaf ili adlandırıb.

31 dekabrda telemüraciətdə Əliyev yalnız ötən ilin yekunlarına toxunub, xarici arenada və dövlət quruculuğunda yalnız uğurlardan danışıb.

Prezidentin yeganə təəssüflə qeyd etdiyi məsələ, əvvəllər olduğu kimi, Qarabağ münaqişəsi olub. Əliyevin fikrincə, onun həlli dünyada beynəlxalq hüququn pozulması ilə bağlı mümkün olmur. «Ermənistan-Azərbaycan Dağlıq Qarabağ münaqişəsi ölkəmizin ərazi bütövlüyü çərçivəsində həll edilməlidir», deyə Əliyev bildirib və qeyd edib ki, «buna nail olmaq üçün daha güclü olmalı, daha güclü ordu yaratmalı və iqtisadi inkişafı təmin etməliyik».

Bütövlükdə Əliyevin telemüraciətinin mətninə görə mühakimə yürütsək, o, ötən ilin yekunlarından razı qalıb. Amma gələcək planlardan heç nə deməyib və RF prezidenti Vladimir Putin və AFR kansleri Angela Merkeldən fərqli olaraq, 2014-cü ildə Azərbaycan vətəndaşları üçün oriyentirləri qeyd etməyib. Sonuncu hətta 2014-cü il üçün milli devizi də göstərib «Mən bunu etməyi qərara alıram!».

Azərbaycan prezidenti İlham Əliyevin 2014-cü ildə nə edəcəyi hələ aydın deyil. Hərçənd onun çıxışı Putin və Merkelinkindən uzun oldu. Amma ötən ilin praktikası göstərir ki, Yeni il sürprizləri özünü çox gözlətmir, ölkə vətəndaşlarını onlarla tanış olmaq üçün çox da intizarda saxlamırlar.—0—