![Həbsdəki fəallar aclıq aksiyası keçirir (YENİLƏNİB)](https://turan.az/resized/media/2014/main/010100064078-750-500-resize.webp)
Həbsdəki fəallar aclıq aksiyası keçirir (YENİLƏNİB)
2014 Yanvar 01 (Çərşənbə) 16:00:28
Dekarın 29-da Fəvvarələr meydanında keçirilən etiraz aksiyasına görə həbs edilən 5 gənc fəal işgəncə və qeyri-insani davranışa etiraz olaraq aclıq elan edib.
Məsələn, gənc fəal Orxan Eyyubzadə döyülüb və onu bir sutka ərzində soyuq radiatora bağlayıblar. Bu barədə gəncin anası, 31 dekabrda oğlu ilə görüşən Rəhimə Məmmədova məlumat verib. Onun sözlərinə görə, Orxanın qollarında və ayağında işgəncə izləri var, çətinliklə hərəkət edir.
Ana təcridxananın rəisindən izahat tələb edib, cavabında ona deyiblər ki, oğlu «dəlidir». Məmmədova bildirib ki, oğlu və digər fəallar aclıq elan edib. Məmmədova hesab edir ki, səbəb Orxanın Ukraynada olarkən Kiyevdəki aksiyalara qatılması və Maydanda yerli kanallardan birinə müsahibə verərək, mövcud hakimiyyəti sərt tənqid etməsidir. Qeyd edək ki, Orxan Eyyubzadə Kiyevdə təhsil alır.
Öz növbəsində 17 sutkalığa həbs edilən Tural Sadıqlının atası Əlövsət Sadıqlı məlumat verib ki, oğlundan və Eyyubzadədən başqa, Cavid Hacıbəyli (müsavatçı), Samir Poladov (bitərəf) və Türkel Əlisoy (AXCP) aclıq keçirir.
Ə.Sadıqlı Facebook-da oğlunun qeydlərini yayıb. Orda T.Sadıqlı bildirir ki, fəalları qızdırılmayan, su olmayan kameralarda saxlayırlar. Hüquqlarının müdafiəsi üçün onlara şərait yaradılmır, şikayət yazmaq üçün kağız-qələm vermirlər. Qeydlərdə Eyyubzadəyə işgəncə verildiyi də göstərilir.
Yuxarıda qeyd edilənlərlə bağlı 5 gənc dekabrın 30-dan bu tələblərlə aclıq aksiyası keçirir: həbs yerində işgəncə hallarına son verilməməsi, həbs edilənlər üçün normal saxlanma şəraitinin yaradılması, hüquqi müdafiə üçün şəraitin yaradılması, polis özbaşınılığına son qoyulması.
Xatırladaq ki, 29 dekabrdakı aksiya Qarabağ əlili Zaur Həsənovun özünü yandırması ilə nəticələnən məmur özbaşınalığına qarşı idi —06D--
-
- Siyasət
- 1 Yanvar 2014 12:38
-
- Sual-cavab
- 1 Yanvar 2014 20:34
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz