![Nikol Pashinyan](https://turan.az/resized/media/2023/main/090700066315-750-500-resize.webp)
Nikol Pashinyan
Azərbaycan Qarabağa hücum etməyə hazırlaşır - Paşinyan
Bakı/07.09.23/Turan: Son bir həftə ərzində regionda hərbi-siyasi vəziyyət xeyli gərginləşib. Bu barədə Ermənistanın baş naziri Nikol Paşinyan cümə axşamı hökumətin iclasında bildirib.
Onun sözlərinə görə, Azərbaycan artıq bir neçə gündür qoşunlarını Dağlıq Qarabağda təmas xəttinə və Ermənistanla sərhədə çəkir.
"Azərbaycan mətbuatında və təbliğat platformalarında Ermənistan əleyhinə ritorika güclənir, Ermənistanın suveren ərazisinə təcavüz siyasəti davam edir", deyə Paşinyan bildirib. O, beynəlxalq ictimaiyyəti regionda "yeni partlayışın" qarşısını almağa çağırıb.
Eyni zamanda, Paşinyan deyib ki, Ermənistan Rusiya, Azərbaycan və Ermənistan liderlərinin üçtərəfli razılaşmalarına, həmçinin Brüsseldə və Praqada əldə olunmuş razılaşmalara sadiqdir. Onun versiyasına görə, "beynəlxalq mexanizmlər çərçivəsində Stepanakert və Bakı arasında" dialoq başlamalı, "həmçinin Laçın dəhlizi açılmalıdır".
Bütün bunların əsasında Ermənistan Azərbaycanla sülh və münasibətlərin normallaşdırılması haqqında müqavilə imzalamağa hazırdır, deyə Ermənistan baş naziri bildirib.
Rəsmi Bakı hələlik Paşinyanın bu bəyanatları ilə bağlı şərh verməyib. -02В-
-
- Dünyada
- 7 Sentyabr 2023 11:45
Siyasət
-
Azərbaycanda Rusiyanın Dövlət İnformasiya Agentliyinin - RİA-Novosti-nin saytı açılıb.
-
Milli Müdafiə Universitetində Azərbaycanda səfərdə olan Çin Xalq Azadlıq Ordusunun Hərbi Elmlər Akademiyasının nümayəndə heyəti ilə görüş keçirilib.
-
İyulun 23-də Moskvada RF və Azərbaycan XİN başçılarının müavinləri V.Qruşko və S.Şərifovun görüşü keçirilib.
-
Azərbaycanın İrandakı səfirliyi fəaliyyətini bərpa etdikdən sonra diplomatik missiyanın rəhbəri Əli Əlizadə İran Xarici İşlər Nazirliyinin (XİN) Avrasiya İdarəsinin rəisi Moctəba Dəmirçilu və Konsulluq İdarəsinin rəisi Əlirza Mahmudi ilə görüş keçirib.
Rəy yaz