Azərbaycan, Rusiya, və İran prezidentlərinin Bakı görüşü avqustun 8-nə planlaşdırılıb. Bu barədə TASS İran XİN rəhbərinin müavini İbrahim Rəhimpura istinadən bildirib.
İran XİN rəhbəri Cavad Zarif bu gün Xəzəryanı ölkələrin XİN rəhbərlərinin iclasındakı çıxışında deyib ki, Tehran Xəzərin dəniz sektorlarının ədalətli bölünməsinə tərəfdardır.
“Bu akvatoriyada dəniz sektorlarının bölünməsi sahilyanı dövlətlər arasında ən mübahisəli məsələlərdən biridir. Odur ki, ölkələrin xüsusi coğrafi mövqeyini nəzərə almaq lazımdır”, - o vurğulayıb.
Zarifin sözlərinə görə, hüquqi rejim elə işlənməlidir ki, bütün Xəzəryanı dövlətlərin maraqlarını təmin etsin.
Onun fikrincə, mühüm olan təhlükəsizlik məsələsidir. “Məhz bu əsas aspekti etiraf etməklə, yəni dənizdən dinc məqsədlə istifadə olunması, silahlanmadan imtina edilməsi, münasibətlərdə hərbi gücə yol verilməməsi, təhdidlərlə qarşı birgə mübarizə ilə regionda sülhü və sabitliyi təmin etmək olar”, - o bildirib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz