Azərbaycan Rusiyanın daha üç şəhərinə uçuşları dayandırdı (yenilənib)

AZAL Bakıdan  Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.

Bundan əvvəl AZAL Mineralnıye Vodı, Soçi, Volqoqrad, Ufa, Samara, Qroznı və Mahaçqalaya uçuşların dayandırıldığını elan edib.

Bu qərar dekabrın 25-də Qroznı üzərində Rusiya raketinin “Embraer” laynerinə ciddi ziyan vurmasından və ona qəza enişinə imkan verilməməsindən sonra mülki aviasiya üçün risk nəzərə alınmaqla qəbul edilib. Təyyarə Aktauya uçmağa məcbur olub və eniş zamanı qəzaya uğrayıb. Nəticədə 38 sərnişin və Azərbaycan avialaynerinin üzvləri  həlak olublar.

* * *

Azərbaycan Rusiyanın bəzi şəhərlərinə uçuşları dayandırır

AZAL Rusiyanın bəzi şəhərlərinə uçuşları dayandırır, dekabrın 27-də aviaşirkətin mətbuat xidməti bildirib.

Bu addım AZAL-ın “Embraer 190” təyyarəsinin qəzaya uğraması ilə bağlı aparılan ilkin araşdırmaların nəticələri  və uçuşların təhlükəsizliyində yarana biləcək risklər nəzərə alınaraq atılıb.

Dekabrın 28-dən aşağıdakı şəhərlərə uçuşlar dayandırılır: Mineralnıye Vodı, Soçi, Volqoqrad, Ufa, Samara, Qroznı, Mahaçqala.