Açiq mənbələrdən foto.
Azərbaycan Rusiyaya məxsus hərbi təyyarənin hava məkanından keçməsinə icazə verməyib
Bakı/14.09.20/Turan: Azərbaycan hərbiçiləri ölkənin hava məkanından uçuşa icazə verməyərək, Rusiyaya məxsus hərbi-kəşfiyyatçı DRLOU A-50 təyyarəsinin Xəzər dənizi üzərində səmada dönməyə və ölkənin hava məkanı ətrafından dolanmağa vadar ediblər. Bu barədə Avia.pro saytı məlumat yayıb.
Rusiyaya məxsus təyyarə Türkmənistan ərazisindən uçmaq üçün bu ölkədən icazə istəməli olub, çox güman ki, belə də etməli olacaq.
Bir neçə gün əvvəl Rusiya HKQ-nin təyyarələri Azərbaycanın hava məkanı üzərindən problemsiz uçuş həyata keçirərək, Suriyadakı “Xmeymim” aviabazasına gedib.
Saytın məlumatına görə, kəşfiyyatçı təyyarə Suriyadan Rusiyaya gedirdi. Bunun konkret olaraq nə vaxt baş verdiyi açıqlanmır. Hələlik bu məsələ ilə bağlı nə Azərbaycan, nə də Rusiya tərəfdən rəsmi şərh yoxdur.
Bakı və Moskva arasında münasibətlər iyulun ortalarında Ermənistan-Azərbaycan sərhədində gərginlik yaşandığı günlərdə Rusiyanın Ermənistana silah göndərməsindən sonra soyuyub. Moskva göz önündəki faktı etiraf etməkdən imtina edib, bu, Bakıda Azərbaycanın maraqlarına açıq-aşkar etinasızlıq kimi qiymətləndirilib. -02D-
-
- Cəmiyyət
- 14 Sentyabr 2020 15:19
-
- Mədəniyyət
- 14 Sentyabr 2020 15:44
Siyasət
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
Rəy yaz