Azərbaycan səfiri etimadnaməsini Hindistan prezidentinə təqdim edib
Bakı/06.01.23/Turan: Azərbaycanın Hindistanda yeni təyin olunmuş səfiri Elçin Hüseynli yanvarın 5-də etimadnaməsini Hindistan prezidenti Draupadi Murmuya təqdim edib. Bu barədə o X sosial şəbəkəsindəki mikrobloqunda yazıb.
"Bu gün öz etimadnaməmi Hindistan prezidenti Draupadi Murmuya təqdim etmək şərəfinə nail oldum. Hindistanda səfir kimi öz ölkəmə xidmət etməkdən və münasibətlərimizin inkişafı üzərində çalışmaqdan qürur və şərəf duyuram", - səfir qeyd edib.
Azərbaycan və Hindistan arasında siyasi münasibətlərdə çətin dönəm yaşanır ki, bu da beynəlxalq təşkilatlarda Nyu-Dehlinin Ermənistanın Azərbaycana qarşı səylərini dəstəkləməsilə bağlıdır. Bundan əlavə, Hindistan Ermənistana əsas silah tədarükçüsünə çevrilir.
Öz növbəsində Kəşmir məsələsində Pakistana dəstəklə əlaqədar Hindistanın Azərbaycana iradları var. Lakin bu məsələdə Azərbaycanın mövqeyi Birləşmiş Millətlər Təşkilatının qərarlarına əsaslanır. – 06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz