Açiq mənbələrdən foto.
Bakı/30.03.23/Turan: Yeni Laçın yolunun istismara verilməsilə əlaqədar bir neçə yüksəklik, əsas və yardımçı yollar, habelə Laçın rayonunun Cağazur və Zabux kəndləri arasında geniş sərhəd ərazisi nəzarətə götürülüb. Bu barədə Azərbaycan Müdafiə Nazirliyinin mətbuat xidmətinin 30 mart tarixli məlumatında deyilir.
Xatırladaq ki, 2022-ci ilin avqustunda Laçın rayonunda Laçın şəhərindən yan keçməklə yeni yol çəkilib və bu yol ilə Qarabağla Ermənistan arasında əlaqə davam edib.
O vaxt Ermənistan yeni Laçın dəhlizinin yeni marşrutu ilə birləşmək üçün öz yol hissəsini inşa etmədiyindən, Azərbaycan Zabux kəndindən yeni trasa qədər müvəqqəti yol çəkmişdi.
Ermənistan KİV-in məlumatına görə, hazırda Ermənistan ərazisilə sahənin tikintisi başa çatıb. Odur ki, Zabuxdan yeni trasa qədər yol hissəsinin işləməsinə ehtiyac qalmayıb və Azərbaycan ordusu Ermənistanla sərhəddə yeni mövqelər tutub. 06B
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz