Azərbaycan "sözdə deyil, əməldə" ərazi bütövlüyünə hörmət tələb edir - İ.Əliyev

Bakı/23.06.23/Turan: Azərbaycan prezidenti İlham Əliyev Müdafiə Nazirliyinin komando hərbi hissələrinin birinə Döyüş bayrağının təqdim olunması mərasimində çıxışı zamanı bildirib ki, Bakı digər ölkələrdən Azərbaycanın ərazi bütövlüyünə sözdə deyil, əməldə hörmət tələb edir.

"Buna görə bizi qisasçılıqda ittiham edənlər qoy güzgüdə özlərinə baxsınlar. Biz qisas deyil, ədalət tələb edirik. Biz tələb edirik ki, ədalətə riayət olunsun. Biz tələb edirik ki, heç kim bizim daxili işlərimizə qarışmasın. Biz tələb edirik ki, bütün ölkələr bizim ərazi bütövlüyümüzə sözdə yox, əməldə hörmət etsin, onda biz də onların ərazi bütövlüyünə hörmətlə yanaşarıq", deyə prezident qeyd edib.

Onun sözlərinə görə, Azərbaycan ordusu yüksək mənəvi keyfiyyətlərə malikdir və "Ermənistandan fərqli olaraq" onların şəhərlərini "İsgəndər", "Toçka" və "Elbrus" raketləri ilə dağıtmayıb.

Əliyev qeyd edib ki, bu gün Azərbaycana qarşı həyata keçirilən çirkin kampaniyanın heç bir mənası yoxdur və olmayacaq. "Vətən Müharibəsi (2020-ci ilin payızında İkinci Qarabağ müharibəsi) zamanı heç kim bizim iradəmizə təsir edə bilməyibsə, təbii ki, bu gün də heç kim ona təsir edə bilməyəcək", deyə o qeyd edib.

O xatırladıb ki, "Azərbaycan ərazilərinin işğalı dövründə ermənilər şəhəri yerlə bir ediblər, tarixi abidələri dağıdıblar, ziyarətgahları təhqir ediblər və dağıdıblar". "Bunu bizim düşmən qonşularımız edib. Bu gün hər gün Ermənistana səfər edən beynəlxalq ictimaiyyət, beynəlxalq cəmiyyət və korrupsiyaya uğramış Avropa məmurları və deputatları buna göz yumurlar. Onları bu ədalətsizliyi etməyə nə vadar edir? İkili standartlar və rüşvət! Bunun başqa izahı ola bilməz", deyə Azərbaycan prezidenti qeyd edib. 06В