Bakı/21.06.19/Turan: İyunun 20-də ABŞ Dövlət Departamenti 2019-cu ildə dünyada insan alveri haqqında Hesabat dərc edib (2019 Trafficking in Persons (TIP) Report) .
Hesabatda deyilir ki, Azərbaycan hökumətinin traffikinqə qarşı mübarizə üzrə fəaliyyəti minimum standartlara uyğun deyil, amma bu istiqamətdə səy göstərilir.
Azərbaycan hökumətinin addımlarının əvvəlki dövrlə müqayisədə zəiflədiyi, məhkəmələrin isə traffikinqdə təqsirli bilinənlərə şərt cəza çıxardığı qeyd edilir.
Hakimiyyət həmçinin traffikinq qurbanları üçün sığınacaqların saxlanmasına maliyyə ayırmayıb.
Eyni zamanda, büdcə müəssisələrinin işçilərinin məcburi şəkildə pambıq yığımına cəlb edildiyi haqqında məlumatlar yada salınır. Məhz bununla əlaqədar Azərbaycanın reytinqi düşüb və o, ikinci ölkələr qrupunda xüsusi nəzarət siyahısına daxil edilib.
Nəzarət siyahısında Azərbaycanla yanaşı, Əfqanıstan, Konqo, İraq, Qazaxıstan, Qırğızıstan, Özbəkistan da var. Avropa ölkələrindən bu siyahıda yalnız Macarıstan var.
Hesabatda Azərbaycan hökumətinə tövsiyələr irəli sürülüb. İnsan alverinə, uşaq traffikinqinə, məcburi işlərə və xüsusən pambıq yığımına qarşı mübarizəyə diqqəti artırmaq təklif olunur.
Həmçinin bu istiqamətdə hüquq-mühafizə orqanlarına, o cümlədən prokurorluğa təlimat vermək tövsiyə olunur. -16D-
Siyasət
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
-
Azərbaycanda növbəti bələdiyyə seçkiləri 29 yanvar 2025-ci ildə keçiriləcək. Bu barədə Mərkəsi Seçki Komissiyasının bugünkü iclasında komissiyanın rəhbəri Məzahir Pənahov bildirib.
-
Azərbaycan prezidentinin sərəncamı ilə Siyavuş Kərimi Milli Konservatoriyanın rektoru vəzifəsindən azad edilib.
Rəy yaz