Bakı/04.05.18/Turan: Azərbaycan, Türkiyə və Ukrayna XİN arasında ilk üçtərəfli siyasi məsləhətləşmələr mayın 4-də Bakıda keçirilib. Tərəflərin nümayəndə heyətlərinə Azərbaycan xarici işlər nazirinin müavini Xələf Xələfov, Türkiyə XİN müavini Ümit Yardım və Ukrayna XİN müavini Vasili Bodnar rəhbərlik edir.
Azərbaycan XİN-in mətbuat xidmətinin məlumatına görə, məsləhətləşmələr zamanı üç ölkə arasında münasibətlərin inkişafına yüksək qiymət verilib. Qeyd edilib ki, yeni üçtərəfli format əməkdaşlığın dərinləşdirilməsi üçün geniş imkanlar açacaq.
Nümayəndə heyətləri hər üç ölkənin beynəlxalq aləmdə tanınmış sərhədləri çərçivəsində onların suverenliyinə və ərazi bütövlüyünə dəstək ifadə ediblər.
Həmçinin, regional və beynəlxalq məsələlər, beynəlxalq təşkilatlarda qarşılıqlı fəaliyyət, nəqliyyat, energetika, turizm sahələrində, ticarət-iqtisadi sahədə, habelə təhsil və terrorizmə qarşı mübarizə sahəsində əməkdaşlığın inkişafı məsələləri müzakirə olunub.
Müntəzəm əsaslarla üçtərəfli məsləhətləşmələr keçirmək barədə razılıq əldə olunub, deyə məlumatda bildirilir. -06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz