Ankara/04.05.18/Turan: Türkiyənin ən böyük müxalifət partiyası - Cümhuriyyət Xalq Partiyası (CHP) iyunun 24-də keçiriləcək prezident seçkilərinə parlamentin deputatı Muharrem İncenin namizədliyini irəli sürüb.
54 yaşlı siyasətçinin namizədliyi mayın 4-də CHP-nin Ankarada keçirilən qurultayında yekdilliklə irəli sürülüb, xəbəri CNN Türk yayıb.
Toplaşanlar qarşısında çıxış edən İnce sadəcə öz partiyasının tərəfdarlarının deyil, bütün türklərin prezidenti olmağa söz verib.
CHP rəhbəri Kemal Kılıçdaroğlu bildirib ki, Erdoğanın hakimiyyəti dövründə ölkədə hakimiyyət bölgüsü ləğv edilib, KİV azadlığı məhv edilib, demokratiya təhlükə altına düşüb.
Türkiyə müxalifəti hazırki dövlət başçısı Erdoğan seçkiləri qazanarsan, ölkədə bir nəfərlik hakimiyyətin bərqərar olacağından qorxur.
İyunun 24-də Türkiyədə parlament seçkiləri də keçiriləcək. Onlardan sonra ölkənin prezidentin həm dövlət, həm də hökumət başçısı olmasını nəzərdə tutan prezident idarəetmə formasına keçməsi yekunlaşacaq.
Xatırladaq ki, Erdoğan aprelin 18-də gözlənilmədən vaxtından əvvəl parlament və prezident seçkilərinin keçiriləcəyini elan edib, bu qərarını qonşu Suriya və İraqdakı vəziyyətlə əsaslandırıb. Bundan əvvəl Erdoğan dəfələrlə səsvermənin planlaşdırıldığı kimi 2019-cu il noyabrın 3-də keçiriləcəyini bəyan edib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz