Azərbaycan ukraynalı xilasedicilərə “Revival P” tırtıllı minatəmizləmə maşını verib
Bakı/25.11.23/Turan: Azərbaycan ukraynalı xilasedicilərə “Revival P” tırtıllı minatəmizləmə maşını verib.
“Azərbaycan Poltava bölgəsindəki ukraynalı xilasedicilərə “Revival P” mexanikləşdirilmiş minatəmizləmə maşını verib”, - Ukrayna Dövlət Fövqəladə Hallar Xidmətinin Facebook səhifəsində bildirilir.
Həmçinin avadanlığın istehsalçı şirkətinin nümayəndələri mütəxəssislərə təlim keçmək üçün Ukraynaya gediblər.
Azərbaycanın təqdim etdiyi texnikadan Ukraynanın işğaldan azad edilmiş ərazilərində humanitar minatəmizləmədə istifadə olunacaq.
Son bir ay ərzində Azərbaycan Ukraynaya elektrik avadanlıqlarından-transformatorlardan və kabellərdən ibarət üç partiya humanitar yük göndərib.
Bu yardımların göndərilməsi Azərbaycan prezidenti İlham Əliyevin Ukraynaya 7,6 milyon dollarlıq humanitar yardımın ayrılması haqqında sərəncamına uyğun olaraq həyata keçirilib.—03B06-
Siyasət
-
Mossad (İsrailin xarici kəşfiyyat xidməti) rəhbəri David Barnea ölkənin siyasi rəhbərliyinə tövsiyə edib ki, husilərə yox, İrana zərbə endirsin, dekabrın 22-də Ynet bildirib.
-
Bazar ertəsi Azərbaycanın xarici işlər naziri Ceyhun Bayramov Serbiyaya işgüzar səfərə gedib.
-
Bakıda Dini Qurumlarla İş üzrə Dövlət Komitəsinin təşəbbüsü ilə Azərbaycan Din Xadimlərinin Forumu keçirilir. Forum “Dini maarifləndirmənin aktual məsələləri: ənənə, təcrübə və perspektivlər” mövzusuna həsr edilib.
-
Azərbaycan prezidenti İlham Əliyev Müqəddəs Milad bayramı münasibətilə Roma Papası Fransiskə təbrik ünvanlayıb.
Rəy yaz