Qazaxıstan Ermənistana silah göndərilməsi barədə xəbərləri təkzib edir
Bakı/25.11.23/Turan: Qazaxıstan Müdafiə Nazirliyi Ermənistana hərbi texnikanın göndərilməsi barədə xəbərləri təkzib edib.
«Qazaxıstan silahının guya Ermənistan Respublikasına göndərilməsilə bağlı yayılan məlumatlar həqiqətəuyğun deyil. Bundan əlavə, 2022-ci ildən Qazaxıstanda silah və hərbi texnikanın ixracına qadağa qoyulub. Bununla əlaqədar vətəndaşlardan və kütləvi informasiya vasitələrindən yayılan şayiələrə reaksiya verməməyi, yalnız rəsmi məlumat mənbələrinə etibar etməyi xahiş edirik", - Qazaxıstan hərbi idarəsinin rəsmi məlumatında deyilir.
Bundan öncə KİV-də Ermənistanın müdafiə naziri Suren Papikyana istinadən məlumat yayılıb ki, Qazaxıstandan "Smerç", "Solntsepek" və "Nayza" yaylım atəşli reaktiv sistemlərin, habelə "Semser" özüyeriyən artilleriya qurğusunun tədarükünə dair müqavilələr imzalanıb. Bundan əlavə, TOC-1A yaylım atəşli reaktiv sistemin göndərilməsi üçün müqavilənin hazırlandığı bildirilib. – 06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz