Azərbaycan Ukraynaya elektrik avadanlığından ibarət humanitar yardım göndərib
Azərbaycan Ukraynaya elektrik avadanlığından ibarət humanitar yardım göndərib
Bakı/21.11.23/Turan: Noyabrın 21-də Azərbaycan Ukraynaya elektrik avadanlıqlarından ibarət yeni humanitar yardım partiyasını göndərib. Azərbaycan Energetika Nazirliyinin məlumatına görə, elektrik avadanlıqları Azərbaycan prezidentinin 17 iyul 2023-cü il tarixli fərmanına uyğun olaraq göndərilib.
“Humanitar yükə 900 min metrdən çox elektrik kabelləri və naqilləri, həmçinin 18 ədəd transformator və komplekt transformator məntəqələri daxildir”, - məlumatda deyilir.
Noyabrın 21-də 23 yük avtomobilindən ibarət karvaı Sumqayıt Texnologiyalar Parkının ərazisindən yola salınıb.
Nazirlik bildirib ki, elektrik avadanlıqlarından ibarət humanitar yardımın növbəti partiyası yaxın müddətdə göndəriləcək.
Azərbaycanın Ukraynaya göndərdiyi humanitar yardımın ümumi həcmi 33 milyon ABŞ dollarından çoxdur.
Müharibədən zərər çəkmiş və ailə üzvlərini itirmiş 154 ukraynalı uşaq Azərbaycanda tibbi və sosial-psixoloji reabilitasiya keçib.
İrpen şəhərində hərbi əməliyyatlar nəticəsində dağıdılmış Zərifə Əliyeva adına "Linqvist" orta məktəbi tam bərpa edilib. Azərbaycan bu şəhərdə bir sıra sosial obyektin əsaslı bərpasını həyata keçirib. -0-
-
- Dünyada
- 21 Noyabr 2023 16:03
Siyasət
-
İyulun 18-də Böyük Britaniyada Avropa siyasi birliyinin dördüncü sammiti açılıb. Britaniya baş nazirinin ofisinin məlumatına görə, tədbirdə 45 avropalı lider, həmçinin NATO, ATƏT və Avropa Şurasının nümayəndələri iştirak edəcəklər. Sammitin əsas mövzuları Ukraynada münaqişə, enerji təhlükəsizliyi, miqrasiyadır, məqsəd isə "Avropa daxilində və onun sərhədləri yaxınlığında münaqişə və qeyri-sabitliyə cavab olaraq birliyi qorumaqdır".
-
Aİ prezidenti Çarlz Mişelin keçmiş diplomatik müşaviri Maqdalena Qrono Aİ-nin Cənubi Qafqaz üzrə yeni xüsusi nümayəndəsi təyin edilib.
-
İyulun 16-da Azərbaycanın energetika naziri Pərviz Şahbazov İsrailin regional əməkdaşlıq naziri David Amsalemi qəbul edib.
-
Qazaxıstan Respublikasında keçirilən "Birləşdik - 2024" beynəlxalq əməliyyat-taktiki komanda-qərargah təlimi başa çatıb.
Rəy yaz