Açiq mənbələrdən foto.
Bakı/07.10.23/Turan: Azərbaycan və İran Azərbaycanın Zəngilan rayonundan Naxçıvan Muxtar Respublikasına İran İslam Respublikasının ərazisindən keçən dəmir yolu çəkmək niyyətindədir.
Oktyabrın 6-da Bakıda Azərbaycan baş nazirinin müavini Şahin Mustafayev və İİR-in yol və şəhərsalma naziri Mehrdad Bəzrpaş arasında "İran İslam Respublikasının ərazisindən keçməklə Azərbaycan Respublikasının Şərqi Zəngəzur İqtisadi Rayonu ilə Naxçıvan Muxtar Respublikası arasında yeni dəmir yolu xəttinin və dəmir yolu körpülərinin tikintisi haqqında Niyyət Protokolu" imzalanıb.
Onlar sənədi oktyabrın 6-da günorta saatlarında Ağbənd qəsəbəsi yaxınlığında Araz çayı üzərindən İrana avtomobil körpüsünün təməlqoyma mərasimində iştirak etdikdən sonra imzalayıblar. Bu körpü Şərqi Zəngəzurdan NMR-ə gedən avtomobil yolunun bir hissəsi olacaq.
Beləliklə, Bakı və Tehran Ermənistandan keçməsi nəzərdə tutulan "Zəngəzur dəhlizinə" alternativ nəqliyyat əlaqələrinin yaradılması üzrə konkret addımlar atıb.
Görüşdə Mustafayev və Bəzrpaş regionun cəhətdən cəzbediciliyinin artırılmasının vacibliyini qeyd edərək, "Şimal-Cənub" dəhlizinin vacib komponenti olan Astaraçay üzərində inşa edilmiş körpünün yaxınlaşma yollarının tikintisi və sərhəd-gömrük infrastrukturunun yaradılması ilə bağlı təxirəsalınmaz tədbirlərin görülməsinin zəruriliyini vurğulayıblar.
Dövlət orqanlarına Astara yük terminalının tikintisinin tezliklə başa çatdırılması ilə bağlı tapşırıqlar verilib.
Tərəflər həmçinin "Xudafərin", "Qız qalası" və "Ordubad-Marazad" hidroqovşaqlarının və su elektrik stansiyalarının tikintisi layihələrinin tezliklə yekunlaşdırılması məqsədilə işlərin sürətləndirilməsi zərurətini qeyd ediblər.
Mustafayev və Bəzrpaş iqtisadi əməkdaşlıq üzrə dövlətlərarası komissiyanın həmsədrləridir. 06В
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz