Əliyev 3+3 formatında görüşlərin keçiriləcəyinin anonsunu verib

Bakı/07.10.23/Turan: Azərbaycan həm ikitərəfli, həm də çoxtərəfli formatlarda nəqliyyat dəhlizlərinin yaradılması ilə bağlı fəaliyyətini davam etdirir, bu barədə prezident İlham Əliyev oktyabrın 6-da İranın yol və şəhərsalma naziri Mehrdada Bəzrpaşla görüşündə bildirib.

Ağbənd qəsəbəsi yaxınlığında avtomobil körpüsü və sərhəd-gömrük infrastrukturunun inşası, ərazidə sahilbərkitmə tədbirləri layihələrinin təməlinin qoyulmasının bu yolların şaxələndirilməsi baxımından önəmini qeyd edən Əliyev Azərbaycan və İİR-i birləşdirən və region üçün böyük əhəmiyyətə malik olan avtomobil və dəmir yollarının çəkilişinin bütün bölgə üçün sabitliyə və əməkdaşlığa xidmət edəcəyini vurğulayıb.

Dövlət başçısı həmçinin Şimal-Cənub nəqliyyat dəhlizinin inkişafı və ötürücülük qabiliyyətinin daha da genişləndirilməsi istiqamətində aparılan işlərin önəmini qeyd edib.

Əliyev regional məsələlərin region ölkələrinin iştirakı ilə həll edilməsinin vacibliyini bildirərək, bu xüsusda 3+3 (Azərbaycan, Ermənistan, Gürcüstan + İran, Rusiya, Türkiyə) əməkdaşlıq formatının da təşəbbüskarının məhz Azərbaycan olduğunu qeyd edib, tezliklə bu formatda görüşlərin keçiriləcəyini "müsbət bir addım" kimi qiymətləndirib.

Bəzrpaş öz növbəsində Azərbaycanın Qarabağ bölgəsinin reinteqrasiyası ilə bağlı təbriklərini çatdırıb və bunu çox mühüm hadisə kimi dəyərləndirib. O qeyd edib ki, Azərbaycanın pozulmuş haqlı və ədalətli mövqeyi 30 ildən sonra xoşbəxtlikdən öz yerini tutdu və ölkə suverenliyini bərpa edib.

Bəzrpaş Cənubi Qafqazda sülhün region üçün böyük perspektivlər yaradacağını bildirib. 06B