Azərbaycan və İranın sərhəd xidmətləri əlaqələri möhkəmləndirir

Bakı/11.12.18/Turan: İranı Sərhəd Xidmətinin komandanı Qasem Rezai çərşənbə axşamı Bakıda Azərbaycan və İranın sərhəd xidmətləri başçılarının görüşündə iştirak edib.

O, öz çıxışında bildirib ki, iki ölkənin sərhəd terminallarında tranzitin açılması ilə İran və Azərbaycan sərhədçilərinin əməkdaşlığı da genişlənir.

İki ölkə arasında razılaşmaya əsasən, sərhəd sammiti ildə bir dəfə Tehranda və ya Bakıda keçirilir, deyə Rezai qeyd edib. Sərhədçilərin birgə iclası və ikitərəfli məsələlərin müzakirələri ilə yanaşı, Rezai prezident İlham Əliyev, müdafiə naziri Zakir Həsənov və DİN başçısı Ramil Usubov tərəfindən qəbul edilib.

Tərəflər sərhəd bölgələrində münasibətlərin inkişafının və informasiya mübadiləsinin əhəmiyyətini qeyd ediblər.

Rezainin sözlərinə görə, tranzitin artırılması iki ölkənin sərhəd qüvvələrinin daha sıx qarşılıqlı əlaqələri və bu hərəkətin idarə edilməsi zərurətini gücləndirir, deyə İRNA agentliyi Rezaidən sitat gətirir.

Bu gün Rezai Dövlət Sərhəd Xidmətinin rəisi Elçin Quliyevin dəvəti ilə Bakıya rəsmi səfərə gəlib.

İclasın yekunlarına görə protokol imzalayıb. -02D-