![Azərbaycan və İspaniya müdafiə nazirləri görüşüb](https://turan.az/resized/media/2013/main/052100037019-750-500-resize.webp)
Azərbaycan və İspaniya müdafiə nazirləri görüşüb
Azərbaycanda rəsmi səfərdə olan İspaniya Krallığının müdafiə naziri Pedro Morenes Alvaro de Eulatellə Azərbaycan müdafiə naziri Səfər Əbiyevin görüşüb.
Müdafiə Nazirliyinin mətbuat xidmətinin məlumatına görə, nazir Əbiyev Azərbaycan Silahlı Qüvvələrinin müasir standartlara uyğunlaşdırılması və NATO ilə əlaqələrin genişləndirilməsi istiqamətində əldə edilən müsbət nəticələrdən danışıb. Nazir İspaniya Krallığının Müdafiə Nazirliyi ilə əməkdaşlığın üstünlükləri barədə də öz fikirini bildirib.
Regionda hərbi-siyasi vəziyyətdən danışarkən Əbiyev deyib ki, Azərbaycan torpaqları 20 il işğal altında olmasına baxmayaraq, təcavüzkar Ermənistan geri çəkilmək istəmir. “Buna görə də Azərbaycan bu gün bütün vasitələrlə Silahlı Qüvvələrini gücləndirmək məcburiyyətində qalıb. BMT-nin qəbul etdiyi dörd qətnamə indiyə qədər icra olunmayıb. Minsk Qrupunun fəaliyyəti də göründüyü kimi nəticəsizdir”.
İspaniya Krallığının müdafiə naziri bildirib ki, əgər BMT işğal faktoru ilə bağlı 4 qətnamə qəbul edibsə və həmin qətnamələr icrasız qalıbsa, bunun gələcəkdə hansı ağır vəziyyətlər yarada biləcəyini düşünmək çətin deyil. “Mən bu qətnamələrin icrasının tərəfdarıyam. Çünki səbrin tükəndiyi an daha dəhşətli mənzərələr yarana bilər. Mən bunu başa düşürəm. Ona görə də, bir daha təkrar edirəm ki, sülhə yönələn BMT qətnamələri sərt şəkildə yerinə yetirilməlidir”.
Danışıqların yekunu olaraq tərəflər hər iki ölkənin müdafiə nazirlikləri arasında hərbi əməkdaşlıq barədə sazişin imzalanması zəruriliyi barədə nəticəyə gəlib.
Görüşdə İspaniya Krallığının Müdafiə Qərargahının rəisi admiral Fernando Qarsia Sançes və hər iki ölkənin fövqəladə və səlahiyyətli səfirləri iştirak edib. -03D-
-
- İqtisadiyyat
- 21 May 2013 17:15
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz