Azərbaycan və Qazaxıstan paytaxtda torpaq sahəsi mübadilə edəcəklər

Azərbaycan və Qazaxıstan paytaxtda yarım hektarlıq torpaq sahəsi mübadilə edəcəklər. Bakıda və Astanada bu torpaq sahələrində səfirlik kompleksləri tikiləcək. Torpaq ilkin olaraq 49 il müddətinə, rəmzi olara illik 1 manat ödəmə ilə icarələnəcək.

Qazaxıstan Parlamentinin Üst Palatası plenar iclasda “Qazaxıstan Respublikası və Azərbaycan Respublikası hökumətləri arasında diplomatik nümayəndəlik binalarının tikintisi üçün qarşılıqlı olaraq torpaq sahəsi ayrılması haqqında sazişin təsdiqi haqqında” qanun layihəsini təqdir edib. Prosedura əsasən, qanun ölkə prezidenti tərəfindn təsdiqləndikdən sonra qüvvəyə minəcək.

Layihəyə əsasən, torpağın icarə haqqından başqa heç bir ödəmə nəzərdə tutulmur – tərəflər olduqları dövlətin milli qanunvericiliyinə əsasən alınan bütün vergilərdən, rüsumlardan azaddırlar. 

Yer quruluşcularının, xəritəşünas və geodeziya mütəxəssislərinin əmək haqqı, layihənin ekspertizası və inşaatçıların əmək haqqı, tikililərin saxlanması və təmiri ilə bağlı xərclər və digər xidmətləri tərəflər olduqları ölkədə qüvvədə olan normativ və tariflərə uyğun olaraq ödəyirlər. -17D-