![Azərbaycan və Rusiya arasında konsulluq xidmətlərinin rəqəmsallaşdırılması imkanları müzakirə edilib](https://turan.az/resized/news/2024/xoFMjNw0BkMpmkAa85KNRG9SpH2y6oDWAvPHBvsN-750-500-resize.webp)
Azərbaycan və Rusiya arasında konsulluq xidmətlərinin rəqəmsallaşdırılması imkanları müzakirə edilib
Azərbaycan və Rusiya arasında konsulluq xidmətlərinin rəqəmsallaşdırılması imkanları müzakirə edilib
Ötən gün Bakıda Azərbaycan və Rusiya Xarici İşlər nazirlikləri arasında 11-ci konsulluq məsləhətləşmələri keçirilib.
Məsləhətləşmələrdə Azərbaycan nümayəndə heyətinə Azərbaycan Respublikası Xarici İşlər Nazirliyinin Konsulluq İdarəsinin rəisi Emil Səfərov, Rusiya nümayəndə heyətinə isə Rusiya Federasiyası Xarici İşlər Nazirliyinin Konsulluq Departamentinin direktoru Aleksey Klimov rəhbərlik ediblər.
Görüşdə həmçinin Azərbaycan Ədliyyə Nazirliyinin və Dövlət Miqrasiya Xidmətinin nümayəndələri iştirak ediblər.
Konsulluq məsləhətləşmələri zamanı iki ölkə arasında konsulluq sahəsində əməkdaşlığın cari vəziyyəti və inkişaf perspektivləri, o cümlədən sahə üzrə ikitərəfli sənədlərin imzalanması və konsulluq xidmətlərinin rəqəmsallaşdırılması imkanları barədə fikir mübadiləsi aparılıb.
Tərəflər iki ölkə vətəndaşlarının hüquq və azadlıqlarının qorunması və onlara konsulluq yardımının göstərilməsi mövzusu üzrə müzakirə aparıb, Azərbaycan Respublikası və Rusiya Federasiyası arasında ədliyyə, miqrasiya, təhsil və digər vacib sahələrdə əlaqələrin gücləndirilməsi istiqamətində birgə tədbirlərin vacibliyini vurğulayıblar.
Danışıqların yekunları ilə bağlı protokol imzalanıb.
-
- Bazarların icmalı
- 26 İyun 2024 11:34
Siyasət
-
İyulun 28-də ABŞ-ın Azərbaycandakı Səfirliyi ABŞ-ın müstəqilliyinin bəyan olunmasının 248-ci ildönümü münasibəti ilə qəbul təşkil edib.
-
ABŞ Azərbaycan və Ermənistan arasında sülhə nail olmaq üçün imkanlarş görür. Bu barədə bu gün Bakıda keçirilən brifinqdə ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen bildirib.
-
Təkrar sertifikastlaşmadan keçə bilməyən 50 nəfərə yaxın müəllim iyunun 28-də Elm və Təhsil Nazirliyinin önünə gələrək narazılığını bildirib.
-
İyunun 28-də Prezident İlham Əliyev altıncı çağırış Milli Məclisin buraxılması və Milli Məclisə növbədənkənar seçkilərin təyin edilməsi haqqında Sərəncam imzalayıb.
Rəy yaz