Azərbaycan və Serbiyanın xarici işlər nazirləri strateji tərəfdaşlığın inkişafını müzakirə ediblər

Dekabrın 23-də Belqradda Azərbaycan və Serbiya Xarici İşlər Nazirlikləri rəhbərlərinin görüşü olub. Yekun mətbuat konfransında Serbiyanın xarici işlər naziri Marko Curiç bildirib ki, tərəflər turizmin inkişafını müzakirə ediblər. "Biz birbaşa  aviareyslərin açılması, iqtisadi inkişaf və energetika üzrə  işi gücləndiririk", - Curiç deyib.

Nazir əmin olduğunu bildirib ki, Serbiya və Azərbaycan arasında əməkdaşlıq yaxın gələcəkdə daha da sıx və intensiv olacaq.

Azərbaycanın xarici işlər naziri Ceyhun Bayramov öz çıxışında iki ölkə arasında strateji tərəfdaşlığın müxtəlif aspektlərindən danışıb.

Enerji təhlükəsizliyi sahəsində əməkdaşlıq perspektivləri, Avropaya qaz ixracında əməkdaşlıq müzakirə olunub.

Bayramovun sözlərinə görə, Bakı və Belqrad "xarici oyunçulara güvənməməyin, geosiyasi münaqişələrdə tərəf olmamağın, birbaşa danışıqlara üstünlük verməyin" vacibliyini başa düşürlər.

Bununla əlaqədar Azərbaycan və Serbiyanın xarici siyasətində eyni dəyərlərin, xüsusən ərazi bütövlüyünün və suverenliyin daim dəstəklənməsinin əldə rəhbər tutulmasının vacibliyi qeyd edilib.

Bu barədə Azərbaycan Xarici İşlər Nazirliyinin məlumatında deyilir.