Azərbaycan vətəndaşları Ukraynadan Polşa ərazisilə gedə bilərlər /YENİLƏNİB/

Bakı/25.02.22/Turan: Azərbaycan vətəndaşları Ukraynanın Polşa ilə Doroqusk-Yaqodzin, Dolqobıçov-Uqrinov, Zosin-Ustiluq, Qrebnne-Rava Ruska, Korçova-Krakovets, Medıka-Seqine, Budomej-Xruşev və Kroşenko-Smolnosa sərhəd-keçid məntəqələri vasitəsilə quru yolla Polşa Respublikasının ərazisinə keçə bilər.

Sərhəd-keçid məntəqələri fasiləsiz çalışır və şəxslərin qəbulu ilə bağlı Polşa hökumətinin +48 47 721 75 75 qaynar xətti ilə əlaqə saxlamaq olar.

Polşa tərəfi yaranmış humanitar vəziyyətlə əlaqədar quru sərhədi keçmək istəyən Azərbaycan Respublikası vətəndaşlarından COVID-19 pasportunu və COVID-19-a dair PCR testinin neqativ nəticəsini tələb etməyəcək.

Polşa tərəfinə etibarlı pasport və ya qayıdış şəhadətnaməsi ilə keçmək istəyən Azərbaycan Respublikası vətəndaşlarından viza tələb olunmayacaq, lakin həmin şəxslər Polşa ərazisində 15 gündən artıq qala bilməzlər.

Yaranmış suallarla bağlı vətəndaşlarımız Azərbaycan Respublikasının Polşa Respublikasındakı səfirliyi ilə +48 576 900 183, +48 22 718 30 70 nömrələri ilə və consul_warsaw@mission.mfa.gov.az elektron poçtu vasitəsilə əlaqə saxlaya bilər.

Xüsusi hallar ilə bağlı vətəndaşlarımız Azərbaycan Respublikasının Kiyev şəhərindəki səfirliyi ilə (+380 73) 5050000 telefon xətti və kiev@mission.mfa.gov.az elektron poçt ünvanı, Xarkov şəhərindəki fəxri konsulluğu ilə (+38057) 7000531 telefon xətti və info.azconsulate@gmail.com elektron poçt ünvanı ilə məlumat əldə edə bilərlər.06D

*   *   *

2022 Fevral 25 (Cümə) 11:57:24

Azərbaycan Xarici İşlər Nazirliyi: Azərbaycan vətəndaşları Ukraynadan Moldovaya keçə bilər

Bakı/25.02.22/Turan:Azərbaycan Xarici İşlər Nazirliyi Ukraynadakı Azərbaycan vətəndaşlarına müraciət ünvanlayıb.

Müraciətdə deyilir ki, Ukraynanın hava məkanı bağlı olduğundan hazırda vətəndaşlarımız həmin ölkəni hava nəqliyyatı vasitəsilə tərk edə bilmir.
Bundan irəli gələrək müraciətdə ciddi təhlükə ilə üzləşmiş Azərbaycan vətəndaşlarının Ukraynanın Moldova ilə olan Oknitsa və Palanka sərhəd-keçid məntəqələri vasitəsilə quru yolla Moldova ərazisinə keçmələrinin mümkün olduğu bildirilir.

Müraciətdə deyilir ki, Moldova tərəfi yaranmış humanitar vəziyyətlə əlaqədar quru sərhədi keçmək istəyən Azərbaycan vətəndaşlarından COVİD-19 pasportu tələb etməyəcək.

Yaranmış suallarla bağlı  Azərbaycan vətəndaşları Azərbaycanın  Moldovadakı səfirliyi ilə +373 781 81 361, +373 789 91 849, +373 222 32 277 nömrələri ilə və chisinau@mission.mfa.gov.az elektron poçtu vasitəsilə əlaqə saxlaya bilər.

Xüsusi hallar ilə bağlı vətəndaşlarımız Azərbaycan Respublikasının Kiyev şəhərindəki səfirliyi ilə (+380 73) 5050000 telefon xətti və kiev@mission.mfa.gov.az elektron poçt ünvanı, Xarkov şəhərindəki fəxri konsulluğu ilə (+38057) 7000531 telefon xətti və info.azconsulate@gmail.com elektron poçt ünvanı ilə məlumat əldə edə bilərlər.-06D-