Vladimir Putin and Xi Jinping
Bakı/25.02.22/Turan: Rusiya Ukrayna ilə yüksək səviyyədə danışıqlara hazırdır. Bu barədə Rusiya prezidenti Vladimir Putin cümə günü Çin Xalq Respublikasının sədri Si Tsinpinlə telefon danışığında bildirib.
“Rusiya Ukrayna ilə yüksək səviyyədə danışıqlara hazırdır”, - Çin Xarici İşlər Nazirliyi Putindən sitat gətirib.
Bundan öncə Ukrayna prezidenti Zelenski danışıqlara başlamaq təklifilə çıxış etmişdi. Rusiya prezidentinin mətbuat katibi Peskov Ukraynanın neytral statusa malik olmağa hazır olması ilə bağlı Zelenskinin bəyanatını müsbət addım kimi qiymətləndirib.
Öz növbəsində “Bloomberg” bildirib ki, Çindəki neft idxalçıları Ukrayna böhranı səbəbindən Rusiya neftini almaqdan imtina etmək qərarına gəliblər.
Xammalın daimi alıcıları malların maliyyələşdirilməsi və ödənişilə bağlı vəziyyət aydınlaşana qədər alışı dayandırıblar. Bundan əlavə, Qara dənizdən neftin nəqli xərcləri 3 dəfə artıb və nəqliyyat şirkətləri müharibə səbəbindən bu bölgədən getməyə başlayıblar.
Çin Rusiya neftinin ən böyük alıcısıdır. --02D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz