Azərbaycan Xalq Cəbhəsi Partiyasının sədri Əli Kərimliyə qarşı məhkəmə iclası təxirə salınıb
Azərbaycan Xalq Cəbhəsi Partiyasının sədri Əli Kərimliyə qarşı məhkəmə iclası təxirə salınıb
Avqustun 19-da Azərbaycan Xalq Cəbhəsi Partiyasının sədri Əli Kərimliyə qarşı xüsusi ittiham qaydasında verilmiş şikayət üzrə məhkəmənin hazırlıq iclası avqustun 26-na təxirə salınıb. Buna səbəb qarşı tərəfin vəkilinin sənədlərində problemin olması göstərilib.
Avqustun 13-də Nəsimi Rayon Məhkəməsində Əli Kərimlinin barəsində xüsusi ittiham qaydasında cinayət işinin başlanması üçün şikayət üzrə hazırlıq iclası başlayıb.
Şikayəti partiyanın Nəzarət Təftiş Komissiyasının keçmiş sədri Aydın Əliyev verib. O, Cinayət Məcəlləsinin 147.1-ci maddəsilə (böhtan, şərəf və ləyaqəti ləkələyən məlumatlar) Kərimliyə qarşı cinayət işinin açılmasını istəyir. İddiaçı məhkəmədən Əli Kərimlinin 6 ay müddətinə azadlıqdan məhrum edilməsini xahiç edib.
Siyasət
-
Cənubi Qafqazda sabitlik əsasən Rusiya və Azərbaycanın qarşılıqlı fəaliyyətindən asılıdır. Bu barədə Azərbaycan prezidenti İlham Əliyev Rusiya prezidenti Vladimir Putinlə danışıqlarının yekunlarına dair brifinqdə bildirib.
-
Rusiya və Azərbaycanın "Şimal-Cənub" birgə layihəsi iki ölkənin Hind okeanına çıxmasına və bu marşrutlardan qarşılıqlı mənfəət üçün istifadə etməsinə imkan verəcək. Bu barədə Rusiya prezidenti Vladimir Putin brifinq zamanı Azərbaycana səfərinə yekun vurarkən bildirib.
-
Tərəflər dövlət suverenliyinə, müstəqilliyə, ərazi bütövlüyünə, bərabər hüquqluluğa və bir-birinin daxili işlərinə qarışmamağa qarşılıqlı hörmət prinsipləri əsasında dövlətlərarası əlaqələri möhkəmləndirməyə davam etmək barədə razılığa gəliblər. Bu barədə avqustun 19-da Vladimir Putin və İlham Əliyevin Bakı danışıqlarının yekunlarına dair birgə bəyanatda deyilir.
-
Avqustun 19-da Rusiya və Azərbaycan arasında altı sənəd- üç saziş və üç memorandum, həmçinin birgə bəyanat imzalanıb. İmzalanma mərasimi Azərbaycan prezidentinin Zaqulbadakı iqamətgahında keçirilib.
Rəy yaz