Azərbaycan Xarici İşlər Nazirliyi Fransanın Ermənistandakı səfirinə cavab verib

Bakı/15.04.21/Turan: Azərbaycan Xarici İşlər Nazirliyi “müharibə tamaşa predmeti olmamalıdır” fikrini söyləyən Fransanın Ermənistandakı səfirini tənqid edib. O, Bakıda Hərbi Qənimətlər Parkının açılmasını belə qiymətləndirib.

Azərbaycan Xarici İşlər Nazirliyinin nümayəndəsi Leyla Abdullayeva öz şərhində Fransa səfirinə öncə öz ölkəsinə nəzər salmağı tövsiyə edib. “Tarix boyu çoxsaylı müharibələrdən keçən və bu müharibələrlə bağlı kompozisiyaları, səfirin dili ilə desək “tamaşaları” müxtəlif muzeylərdə sərgiləyən Fransa səfiri bizə düşməndən götürülən qənimətlərlə necə davranacağımızımı deyəcək?”, - o qeyd edib.

Səfir Ermənistanın məğlubiyyətini "ləyaqətli" adlandırıb. Nə üçün 30 il müddətində Azərbaycan torpaqlarının işğalı haqda heç bir şey demir?

“Uzun illərdir ki, vasitəçi rolunda çıxış edən bir ölkənin rəsmi nümayəndəsi verdiyi şərhlərə daha məsuliyyətlə yanaşmalıdır”,  -Leyla Abdullayeva vurğulayıb. -02B