Açiq mənbələrdən foto.
Bakı/15.04.21/Turan: Mayın 1-dən respublikada "Azərbaycan Standartlaşdırma İnstitutu"nun (AIS) 31 mart 2021-ci il tarixli 31212323400030 №-li əmri ilə təsdiq edilmiş AZS ISO 37001: 2021 "Rüşvətxorluğa qarşı idarəetmə sistemləri – Təlimatlarla birgə tələblər” dövlət standartı qüvvəyə minir.
Eyni adlı layihə AIS (İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyində olan publik hüquqi şəxs) tərəfindən beynəlxalq standartlara əsasən və Milli Standartlaşdırma Sistemini beynəlxalq tələblərə uyğunlaşdırılması məqsədi ilə hazırlanıb və "Uyğunluğun Qiymətləndirilməsi" Standartlaşdırma üzrə Texniki Komitə (AZSTAND/TK 08) tərəfindən təqdim edilib.
AZS ISO 37001: 2021 standartı rüşvətxorluğa qarşı mübarizə üzrə idarəetmə sisteminin yaradılması, tətbiqi, icrası, təhlili və təkmilləşdirilməsinə dair tələbləri və təlimatları müəyyənləşdirir.
Həmin sənəd yalnız rüşvətxorluq əleyhinə mübarizə sahəsində tətbiq olunması üçün nəzərdə tutulmuşdır: o, hər hansı bir təşkilata onun rüşvətxorluğun qarşısının alınması, aşkarlanması və ona əksüləməl göstərilməsi, həmçinin qurumun rüşvətxorluğa qarşı qanunlar və öz könüllü öhdəlikləri əsasında fəaliyyətinin dəstəklənməsi üçün işlənmiş idarəetmə sistemi üzrə tələbləri və təlimatları təsbit edir.
İdarəetmə sahəsində yeni standartlar, əsasən, müəssisələrin buraxdığı məhsulların və göstərdiyi xidmətlərin keyfiyyətinin yüksəldlməsini təmin etmək, işə cəlb olunan ehtiyatların optimallaşdırmaq, istehsalın səmərəliliyi və müştəri məmnunluğunu artırmaq və s. məqsədi nilə qəbul edilir.- 08D-
İqtisadiyyat
-
Qırğızıstanın Bişkek şəhərində keçirilən Türkdilli Dövlətlərin Təşkilatının (TDT) 11-ci Zirvə Toplantısında üzv dövlətlər rəqəmsal sahələrdə əməkdaşlığı təşviq etmək məqsədilə Rəqəmsal İqtisadiyyat Tərəfdaşlığı Sazişini (DEPA) imzaladılar. İqtisadiyyat Nazirliyi bildirib ki, nazirliyin nəzdindəki Dördüncü Sənaye İnqilabının Təhlili və Koordinasiya Mərkəzi (4sim) tərəfindən təşəbbüs göstərilən bu saziş TDT üzv dövlətləri arasında e-ticarət, tənzimləmə harmoniyası, gömrük və maliyyə texnologiyaları (Fintech) sahələrində əməkdaşlığın dərinləşdirilməsini hədəfləyir.
-
Qırğızıstan, Azərbaycan, Qazaxıstan, Türkiyə və Özbəkistanın mərkəzi banklarının yüksək səviyyəli rəsmiləri, Bişkekdə keçirilən 11-ci Türk Dövlətləri Təşkilatı (TDT) sammitində Mərkəzi Banklar Şurasının yaradılması haqqında memorandum imzaladılar. Bu şura, TDT Baş katibi Kubanıçbek Omuraliyevin bəyanatına görə, pul siyasəti, maliyyə sabitliyi və texnologiya inkişafı sahəsində əməkdaşlığı gücləndirməyi hədəfləyir.
-
Azərbaycanın İqtisadiyyat Nazirliyi, ölkənin iqtisadiyyatını şaxələndirmək və modernləşdirmək üçün yenilənmiş səylərin əsasını təşkil edən “2022-2026-cı illər üzrə Sosial-İqtisadi İnkişaf Strategiyası” çərçivəsində 2026-cı ilə qədər illik 3-4% davamlı iqtisadi artım proqnozlaşdırır. Bu planın mərkəzində qeyri-neft və qaz sektorlarında nəzərəçarpacaq dərəcədə genişlənmə dayanır ki, bu da hər il orta hesabla 5% artım göstərəcək.
-
Bakı, Azərbaycan – Azərbaycanın davamlı inkişafa olan sadiqliyini vurğulayan yüksək səviyyəli konfransda Rəqəmsal Platforma və Ətraf Mühit, Sosial və Korporativ İdarəetmə (ESG) üzrə milli standartlar təqdim edildi. Biznes Mühiti və Beynəlxalq Reytinqlər üzrə Komissiya və Kiçik və Orta Biznesin İnkişafı Agentliyi (KOBİA) tərəfindən təşkil olunan və Azərbaycan Beynəlxalq Bankı (ABB) və Azercell Telecom-un dəstəyi ilə keçirilən tədbir dövlət, biznes və beynəlxalq təşkilatlardan mühüm şəxsləri bir araya gətirdi.
Rəy yaz