Noyabrın 6-da Ali Məhkəmədə demokratik.az saytının rəhbəri Osman Nərimanoğlunun (Rzayev) pul tələb etmə ittihamı ilə 6,5 il müddətinə azadlıqdan məhrum edilməsi haqqında hökmdən verdiyi şikayətə baxılması başa çatıb.
Onun həyat yoldaşı Arzu Rzayevanın Turan-a verdiyi məlumata görə, Ali Məhkəmə şikayəti təmin etməyib və hökmü dəyişiklik etmədən qüvvədə saxlayıb.
* Osman Nərimanoğlu 5 iyul 2022-ci il tarixində pul tələb etmə ittihamı ilə həbs olunub. O, həbs edildikdən sonra ona qarşı ittihamların yalan olduğunu və saytda korrupsiya əməlləri haqqında materiallar dərc edilən Meliorasiya İdarəsinin məmurlarının, həmçinin Goranboy və Göygöl rayonlarının həkimlərinin ona böhtan atdığını bildirib.
25 yanvar 2024-cü il tarixində məhkəmə onu 6,5 il müddətinə azadlıqdan məhrum edib, mayın 17-də isə Apellyasiya Məhkəməsi bu hökmü qüvvədə saxlayıb. Hüquq müddafiəçiləri Osman Nərimanoğlunu siyasi məhbus kimi tanıyıblar.
Siyasət
-
Seçkilərin rəsmi nəticələri hələ açıqlanmasa da, Azərbaycan prezidenti İlham Əliyev Donald Trampı yenidən ABŞ prezidenti seçilməsi münasibətilə təbrik edib. Lakin Əliyev noyabrın 3-də prezident seçkilərində qalib gələn Moldova prezidenti Mayya Sandunu hələ də təbrik etməyib.
-
Xeberman.com saytının rəhbəri Polad Aslanov 15 saylı cəzaçəkmə müəssisəsinə köçürüldükdən sonra karserə salınıb, bu barədə onun həyat yoldaşı Gülmira Aslanova bildirib.
-
Azərbaycan Prezidenti İlham Əliyev çərşənbə axşamı Bişkekdə keçirilən Türkdilli Dövlətlər Təşkilatının (TDT) 11-ci dövlət başçıları sammitində təşkilat daxilində daha dərin əməkdaşlığa və maliyyə dəstəyinin artırılmasına ehtiyac olduğunu vurğuladı. Bu il təşkilatın əsasını qoyan Naxçıvan Sazişinin 15 illiyi qeyd olunur və Əliyev son on beş ildə onun əhəmiyyətli inkişafını qeyd etdi.
-
Bakıda COP29-da iştirak edən Avropa İttifaqı liderləri ölkədə siyasi məhbuslar məsələsini birbaşa Azərbaycan hakimiyyəti qarşısında qaldırmalı və onların azad edilməsini tələb etməlidir. Bu barədə 17 beynəlxalq hüquq müdafiə təşkilatının noyabrın 6-da dərc etdiyi birgə bəyanatda bildirilir.
Rəy yaz