Azərbaycan Xarici İşlər Nazirliyi Paşinyana cavab verib

Bakı/31.08.23/Turan: Avqustun 31-də Ermənistanın baş naziri Nikol Paşinyan hökumətin iclasında çıxışı zamanı heç bir əsas olmadan Azərbaycanı bir daha "soyqırım" həyata keçirməkdə ittiham edib. Bu, Ermənistan tərəfindən məsuliyyətsiz manipulyasiyanın təzahürüdür. Bu barədə cümə axşamı Azərbaycan Xarici İşlər Nazirliyinin şərhində deyilir.

Əgər erməni tərəfinin həqiqətən köməyə ehtiyacı olsaydı, onlar sülhməramlı kontingentin yolunu kəsməzdilər və bu malların keçməsinə mane olmazdılar. Ermənistan tərəfinin mövqeyi göstərir ki, ağır "humanitar fəlakət" barədə bəyanatlar siyasi manipulyasiyalardan başqa bir şey deyil.

Bakının Laçın yolunu bir tərəfə açmaq və erməniləri Qarabağdan çıxarmaq istəməsilə bağlı iddialara gəlincə, erməni əhalinin "Laçın" sərhəd məntəqəsindən hər iki istiqamətdə keçməsi üçün şərait yaradılıb. "Odur ki, bölgədə etnik təmizləmə siyasətinin aparılması barədə ittihamlar absurddur".

Ermənistanın baş naziri Azərbaycanın ərazi bütövlüyünü sözdə dəstəkləyir. Əgər belədirsə, o, Qarabağ ermənilərinin reinteqrasiya siyasətini dəstəkləməli, Azərbaycanın bütövlüyünü və suverenliyini pozmaqdan çəkinməlidir", - şərhdə deyilir. 02D