Azərbaycan Xarici İşlər Nazirliyində İran səfirilə görüş
Bakı/21.12.23/Turan: Bu gün Azərbaycan xarici işlər nazirinin müavini Samir Şərifovun İranın Bakıdakı səfiri Seyid Abbas Musəvilə görüşündə Azərbaycan-İran münasibətləri məsələləri müzakirə olunub.
İran səfirliyi bildirib ki, görüşdə siyasi, iqtisadi, hərbi və digər sahələrdə ikitərəfli əlaqələrin inkişafı, Qafqaz regionunda baş verən hadisələr və Azərbaycanla Ermənistan arasında möhkəm sülhə nail olunması üzrə səylər müzakirə edilib.
Həmçinin Qafqazda regional əməkdaşlığın müxtəlif formaları, energetika və nəqliyyat sahəsində birgə layihələrin həyata keçirilməsi barədə fikir mübadiləsi aparılıb.
Bundan əlavə, bank, konsulluq məsələlərinə və qarşılıqlı maraq doğuran digər mövzulara toxunulub. – 06B-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz