Azərbaycan Xəzər dənizinin hüquqi statusu məsələsinin Xəzəryanı dövlətlərin suveren və qarşılıqlı faydalı əməkdaşlığı çərçivəsində həllinə tərəfdardır.
Bu barədə Azərbaycan xarici işlər nazirinin müavini Xələf Xələfov martın 4-də Xəzərin hüquqi statusunun hazırlanması üzrə xüsusi işçi qrupunun 39-cu iclasında bildirib.
O qeyd edib ki, 2014-ci ildə Həştərxanda Xəzəryanı dövlətlərin başçılarının dördüncü sammitində Xəzər dənizində fəaliyyəti tənzimləyən mühüm sənəd qəbul edilib.
Azərbaycan Həştərxan sammitində qəbul edilmiş sazişlərin təsdiqi üçün dövlətdaxili prosedurları yerinə yetirib.
O, Xəzər dənizində regional sabitlik və təhlükəsizlik, iqtisadi fəaliyyətlə bağlı tərəflər arasında qarşılıqlı etimadın olmasının vacibliyini xüsusilə vurğulayıb.
“Beynəlxalq əməkdaşlığın möhkəmləndirilməsi, investisiya mühitinin yaxşılaşdırılması, enerji resurslarının mənimsənilməsi və beynəlxalq bazarlara nəqli, təhlükəsiz kommunikasiyanın yaradılması, yüksək rentabelli və ekoloji baxımdan təmiz texnologiyaların sayının artırılması sahilyanı dövlətlərin prioritetləri sırasında qalır”, - X.Xələfov bildirib.
Sentyabrın 29-da Həştərxanda keçirilən sammitdə Azərbaycan, Rusiya, İran, Qazaxıstan və Türkmənistan prezidentləri siyasi bəyanatla çıxış ediblər. Bəyanatda Xəzərin statusu üzrə gələcək saziş əksini tapıb. “Xəzər beşliyi” ölkələrinin liderləri öncə razılaşdırılmış Xəzərdə tərəflərə məxsus olmayan silahlı qüvvələrin iştirak etməməsi” prinsipini təsdiqləyiblər.
Sammit iştirakçılarının imzaladıqları bəyanata görə, Xəzər dənizinin su ehtiyatlarının böyük hissəsi ən “Xəzər beşliyi”nin ümumi istifadəsində qalacaq.
Sammitdə həmçinin Xəzər dənizinin hidrometeorologiyası, fövqəladə halların aradan qaldırılması sahəsində əməkdaşlıq, dənizin bioloji ehtiyatlarından səmərəli istifadə haqqında saziş imzalanıb.—06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz