Azərbaycan XİN ABŞ səfirliyinə cavab verir

Azərbaycan XİN ABŞ Səfirliyinin fəal Bəxtiyar Hacızadənin 10 il müddətinə azadlıqdan məhrum edilməsi haqqında qərarla bağlı tənqidini rədd edib.

"Məhkəmənin Bəxtiyar Hacıyev barəsində qanuni qərarı iş üzrə çoxsaylı dəlillərə əsaslanır və məhkəmə prosedurlarına xarici müdaxilə yolverilməzdir. Maraqlıdır ki, Birləşmiş Ştatlarda eyni vergi dələduzluğu və maliyyə cinayətlərinə görə 30 il azadlıqdan məhrumetməyə qədər daha ciddi cəzalar nəzərdə tutulduğu halda, bu ölkə başqa ölkələrdə bu cür cinayətlərə görə cəzalardan niyə məyus olur? Görünür, bu yanaşma qanunun aliliyinin əhəmiyyətini artırmağa deyil, siyasi maraqlara əsaslanır", deyə Azərbaycan XİN-in rəsmi nümayəndəsi Ayxan Hacızadə X sosial şəbəkəsində yazıb.

Qeyd edək ki, beynəlxalq qurumlar Bəxtiyar Hacıyevə qarşı ittihamların saxtalaşdırıldığını və sübuta yetirilmədiyini, onun işi üzrə məhkəmə prosesinin isə ədalətsiz olduğunu bildiriblər.

Müşahidəçilər də Azərbaycanın məhkəmə sistemində təəccüblü paradoksa diqqət çəkirlər - yüz milyonlarla manatı mənimsəməkdə ittiham olunan məmurlar həbs olunmur və şərti cəza alır, onları ifşa edən jurnalistlər və fəallar isə həbsə atılır.