Azərbaycan XİN: ATƏT MQ-nin həmsədrləri Ermənistan tərəfdən onlara atəş açılmasının üstündən sükutla keçdilər

Azərbaycan XİN ATƏT-in Minsk Qrupu həmsədrlərinin regiona səfərlərinin yekunlarına dair bəyanatlarında cəbhə xəttində onların monitorinqi zamanı Ermənistan tərəfdən atəş açıldığını qeyd etməkdən yayınıblar.

XİN-in mətbuat xidmətinin bəyanatında deyilir ki, ATƏT MQ-nin həmsədrləri oktyabrın 27-də Ermənistan və Azərbaycan SQ-nin təmas xəttini keçiblər və Azərbaycan ordusunun nəzarətində olan əraziyə keçiblər.

Tərtər və Ağdərə arasındakı yolda qoşunların təmas xəttində ATƏT-in hazırki sədrinin şəxsi nümayəndəsinin öz sahə köməkçiləri ilə birgə həyata keçirdiyi növbəti monitorinq həmsdərlərin səfəri ilə eyni vaxta təyin edilmişdi.

ATƏT nümayəndələrinin təhlükəsizliyinin təmin edilməsi üzrə əvvəlcədən razılıq olmasına baxmayaraq, Ermənistan tərəfi Azərbaycan SQ-nin mövqeləri istiqamətində atəş açıb.

Atəş ATƏT-in monitorinq heyətini müdafiə axtarışında Azərbaycan ordusunun mövqelərində sığınacaq tapmağa məcbur edib.

Azərbaycan Müdafiə Nazirliyinin nümayəndələrinin göstərişlərinə əsasən, atəş açılarkən hadisə yerində olan ATƏT nümayəndə heyəti atəşin kəsilməsi və təkrar atəş açılmasına yol verilməməsi barədə zəmanətin yenilənməsi məqsədilə qarşı tərəflə əlaqə yaradıb.

Atəşin mənbəyinin və istiqamətinin aydın olmasına baxmayaraq, həmsədrlərin 29 oktyabr 2015-ci il tarixli bəyanatında təmas xəttində atəşkəs rejiminin pozulmasının təqsirkarının adını açıqlamaması faktı təəssüf doğurur, deyə Azərbaycan XİN-in mətbuat xidmətinin bəyanatında bildirilir. -06D-

Rəy yaz

Siyasət

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti