Cümə axşamı hökumətyönlü KİV Azərbaycan XİN mətbuat xidmətinin rəhbəri Hikmət Hacıyevin fikirlərini dərc edib. O, beynəlxalq təşkilatların bəzi rəsmi şəxslərini Avropa Oyunları ərəfəsində bəzi dairələrin sifarişi ilə “öz statuslarından sui-istifadə etməkdə” və “Azərbaycana qarşı diskriminasiya kampaniyasında” ittiham edib.
Belə ki, XİN nümayəndəsi Opendemocracy portalında dərc edilən məqaləni şərh edib. Məqalənin müəllifləri Avropa Şurasının insan hüquqları üzrə komissarı Nil Muyjnieks, BMT-nin insan hüquqları üzrə xüsusi komissarı Mişel Forst və ATƏT-in KİV azadlığı məsələləri üzrə nümayəndəsi Dunya Miyatoviçdir.
Xatırladaq ki, məqalədə insan hüquqlarının pozulmasına görə Azərbaycanın ünvanına kəskin tənqidlər yer alıb. Hakimiyyətdən Avropa Oyunları ərəfəsində bütün siyasi məhbusların azadlığa buraxılması tələb olunur.
“Bu şəxslər öz hərəkətləri ilə sübut edirlər ki, onlar təmsil etdikləri təşkilatların məqsəd və vəzifələrinə yox, bəzi siyasi dairələrin maraqlarına xidmət edirlər”, - H.Hacıyev hesab edir.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz