Azərbaycan XİN separatçılara qarşı psixotrop maddələrdən istifadə olunduğu haqqında ittihamları təkzib edib

Rəsmi Bakı Ermənistan baş naziri Nikol Paşinyanın Azərbaycandakı erməni məhbuslara qarşı psixotrop maddələrin tətbiq olunması haqqında bəyanatını təkzib edib. "Bu iddiaların heç bir əsası yoxdur və tamamilə gülüncdür", deyə Azərbaycan XİN-dən bildiriblər.

Qeyd edək ki, Paşinyan yanvarın 25-də "İctimai Televiziya"ya müsahibəsində "Yerevanın regional eskalasiyaya rəvac vermək məqsədilə Bakıda olan erməni əsirlərə qarşı qadağan olunmuş psixotrop maddələrin tətbiq olunması haqqında kəşfiyyat məlumatlarına malik olduğunu" bildirib.

"25 yanvar tarixində Ermənistan Baş nazirinin İctimai Televiziyaya verdiyi müsahibədə guya regional eskalasiyaya rəvac vermək məqsədilə separatçı rejimin nümayəndələrinə qarşı psixotrop maddələrin tətbiq olunması ilə bağlı səsləndirdiyi iddiaların heç bir əsası yoxdur və tamamilə gülüncdür.

Təqsirləndirilən şəxslərin bütün hüquq və vəzifələri lazımi qaydada təmin olunub və izah edilib, bütün məhkəmə prosesi və ifadələri qeydə alınıb", deyə Azərbaycan XİN-in mətbuat katibi Ayxan Hacızadə bildirib.