Azərbaycan Yerevanın minalanmış ərazilərin xəritələrini verməkdən imtina etməsilə bağlı Avropa İnsan Hüquqları Məhkəməsinə təkrar şikayət göndərib

Bakı/04.06.21/Turan: Azərbaycan Ermənistanın minalanmış ərazilərin xəritəsini verməkdən imtina etməsilə əlaqədar Avropa İnsan Hüquqları Məhkəməsinə təkrar beynəlxalq şikayət göndərib.

Şikayət 10 noyabr 2020-ci il tarixli üçtərəfli bəyanat imzalandıqdan sonra Ermənistan hakimiyyətinin xəritələri verməkdən imtina etdiyinə görə təkrarən göndərilib.

Azərbaycanın Avropa İnsan Hüquqları Məhkəməsində daimi nümayəndəsi Çingiz Əsgərov qeyd edib ki, Ermənistanın minalanmış sahələrə dair xəritələri verməkdən imtina etməsinin heç bir əsası yoxdur və bu, yeganə məqsəd güdür – azərbaycanlı əhalinin həyatı üçün təhlükəni qoruyub saxlamaq.

"Biz növbəti dəfə Ermənistandan minalanmış ərazilərin xəritələrini və digər müvafiq məlumatları təqdim etməyi, həmçinin beynəlxalq hüquq çərçivəsində öhdəliklərə əməl etməyi tələb edirik", - o, mətbuat üçün şərhində deyib. -02D-