![Azərbaycanda ərazi bütövlüyünün parçalanmasına yönələn simvollara görə cinayət məsuliyyəti müəyyən ediləcək](https://turan.az/resized/news/2023/3h6uKmNkSHZk32BFJ6wicRdzLPWUQrhrnjS0ORlB-750-500-resize.webp)
Azərbaycanda ərazi bütövlüyünün parçalanmasına yönələn simvollara görə cinayət məsuliyyəti müəyyən ediləcək
Azərbaycanda ərazi bütövlüyünün parçalanmasına yönələn simvollara görə cinayət məsuliyyəti müəyyən ediləcək
Bakı/12.12.23/Turan: Azərbaycanda ölkənin ərazi bütövlüyünün parçalanmasına yönələn simvolların təbliğinə görə cinayət məsuliyyəti müəyyən ediləcək. Xüsusən, AR CM-ə Azərbaycan Respublikasının ərazi bütövlüyünün parçalanmasına yönələn atributları və ya simvolları nümayiş etdirmə, yayma, hazırlama, əldə etmə, daşıma və ya gəzdirmə 5 ilədək müddətdən azadlığın məhdudlaşdırılması və ya eyni müddətə azadlıqdan məhrum etmə cəzası nəzərdə tutan 281-1-ci maddənin əlavə edilməsi nəzərdə tutulur.
Bu əməllər qabaqcadan əlbir olan bir qrup şəxs və ya mütəşəkkil dəstə tərəfindən törədildikdə 5 ildən 8 ilədək müddətdə azadlıqdan məhrumetmə, xarici təşkilatların və onların nümayəndələrinin tapşırığı ilə törədilikdə 7 ildən 12 ilədək müddətdə azadlıqdan məhrumetmə ilə cəzalandırılacaq.
Eyni zamanda, "İnformasiya, informasiyalaşdırma və informasiyanın mühafizəsi haqqında" qanuna hərbi texnikanın və şəxsi heyətin yerdəyişməsi və ya dislokasiyası haqqında məzmunun İnternetdə yayılmasını qadağan edən düzəliş təklif olunub.
Belə ki, informasiya İnternet resursunun sahibi və onun domen sahibi və ya informasiya-telekommunikasiya şəbəkəsinin istifadəçisi şəxsi heyətin və ya hərbi texnikanın yerdəyişməsi və ya dislokasiyası haqqında məlumatların yayılmasına yol verməməlidir.
Bu məlumatların dövlət orqanları (müəssisələri) tərəfindən yayıldığı hallar istisna təşkil edir.
Müharibə vaxtı və ya döyüş şəraitində ordunun şəxsi heyətinin, hərbi silahların, döyüş sursatlarının və ya hərbi texnikanın yerdəyişməsi və ya dislokasiyası haqqında məlumatın yayılması ağır nəticələrə gətirib çıxardıqda, 5 ildən 8 ilədək azadlıqdan məhrumetmə cəzası ilə cəzalandırıla bilər. Bu, CM-ə nəzərdə tutulan yeni 284-2-ci maddədə nəzərdə tutulur.
Bundan başqa, İnzibati Xətalar Məcəlləsinə nəzərdə tutulan düzəlişlərə əsasən, şəxsi heyətin və texnikanın yerdəyişməsi haqqında məlumat yayan hərbi qulluqçular 10 gündən 1 ayadək inzibati həbsə məhkum ediləcək.
Qeyd edilən bütün düzəliş layihələri bu gün parlamentin insan hüquqları komitəsi tərəfindən qəbul edilib və Milli Məclisin plenar iclasında baxılması tövsiyə edilib. 03В06
-
- Cəmiyyət
- 12 Dekabr 2023 17:09
-
- Mədəniyyət
- 12 Dekabr 2023 18:25
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz