Bakı/09.10.17/Turan: 33 beynəlxalq QHT-nin Fransa prezidenti Emmanuel Makrona Azərbaycanda siyasi məhbuslar problemi ilə bağlı müraciətinə rəsmi cavab göndərilib. Bu barədə Turan-a Azərbaycan vətəndaş cəmiyyətindən bir mənbə bildirib.
Makronun kabinet rəhbəri Fransua-Xavier Loşun (François-Xavier Lauch) imzaladığı məktubda bildirilir ki, Fransa hökuməti beynəlxalq QHT-lərin siyasi məhbuslarla bağlı narahatlığını diqqət mərkəzində saxlayır.
Fransanın diplomatik xidməti bu şəxslərin vəziyyətini diqqətlə izləyir, onların hüquqlarının, o cümlədən təqsirsizlik prezumpsiyasının və ədalətli məhkəmə hüququnun təmin edilməsinə xüsusi həssaslıqla yanaşır.
Bununla əlaqədar olaraq, Fransa XİN nümayəndəsi, Fransanın Bakıdakı səfirliyi, Fransanın Avropa Şurasında daimi nümayəndəliyi və ATƏT-dəki nümayəndəsi Azərbaycan hökumətini Avropa Şurası, Avropa İnsan Hüquqları Məhkəməsi qarşısında və beynəlxalq konvensiyalar çərçivəsində götürdüyü öhdəliklərə könüllü olaraq riayət etməyə çağırırlar.
Bundan başqa, Fransa hökuməti Azərbaycanla ölkənin vətəndaş cəmiyyətinin inkişafına və demokratik institutların möhkəmləndirilməsinə yönəlmiş ikitərəfli dialoqu davam etdirir, deyə cavabda bildirilir.
Xatırladaq ki, bir müddət əvvəl 33 beynəlxalq QHT Fransa prezidentinə Azərbaycanda siyasi məhbusların azad edilməsinə yardım etmək çağırışı ilə müraciət edib. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz