Frank Şvabe
Azərbaycanın AŞPA-dan çıxarılmasının təşəbbüskarı Rüfət Səfərovun həbsinə münasibət bildirib
Avropa Şurası Parlament Assambleyasında alman nümayəndə heyətinin sədri Frank Şvabe Azərbaycanda hüquq müdafiəçisi Rüfət Səfərovun həbsinə münasibət bildirib.
"Rüfət Səfərovun saxlanması İlham Əliyev sülaləsinin Azərbaycanın Avropa Şurası Parlament Assambleyasına qayıtmasına dair şərtləri yerinə yetirməyə hazır olmadığını göstərir. AŞPA yanvarda buna cavab verəcək", deyə o, X platformasındakı hesabında yazıb.
Şvabe Azərbaycanın bir il müddətinə AŞPA-da səs hüququndan məhrum edilməsinin təşəbbüskarlarından biridir. AŞPA-da bu qərar 2024-cü ilin yanvarında Azərbaycanda insan hüquqlarının və demokratiyanın sistemli və kobud şəkildə pozulması ilə əlaqədar qəbul edilib.
Qətnamədə qeyd edilib ki, siyasi məhbuslar azad edildiyi və insan hüquqlarının pozulmasına son qoyulduğu halda səs hüququ qaytarıla bilər.
Siyasət
-
Dekabrın 4-də Avropa İttifaqı, Böyük Britaniya və İsveçrənin səfirlikləri Azərbaycanın hüquq müdafiəçiləri, vətəndaş cəmiyyəti, mətbuat nümayəndələri, hüquqşünaslar və ictimai fəalların iştirakı ilə qəbul təşkil ediblər.
-
Dekabrın 4-də Bakının Binəqədi Rayon Məhkəməsi hakim Aytəkin İbrahimovanın sədrliyi ilə "Müdafiə Xətti" hüquq müdafiə təşkilatının icraçı direktoru Rüfət Səfərov barəsində 4 ay həbs qətimkan tədbiri seçib.
-
Abzas Media-nın işi üzrə həbs edilmiş araşdırmaçı jurnalist Hafiz Babalı bir müddət əvvəl damarların varikoz genişlənməsi ilə bağlı tibbi yardım göstərilməməsindən ombudsman aparatına şikayət vermişdi. Onun aldığı cavabda deyilir ki, Ədliyyə Nazirliyinin Tibb İdarəsi ombudsmanın bununla bağlı sualına cavab verib.
-
Narkotik haqqında iş üzrə üç il müddətinə azadlıqdan məhrum edilmiş Azərbaycan Xalq Cəbhəsi Partiyasının (AXCP) fəalı Elnur Həsənov dekabrın 3-dən aclığa başlayıb.
Rəy yaz